BELGIYA – ROSSIYA 1:0. MATNLI TRANSLYACIYA

Belgiya – Rossiya 1:0
22 iyun. 21:00
Rio De Janeyro. “Marakana” stadioni.
Bosh hakam: Feliks Brix (Germaniya)
Yordamchi hakamlar: Mark Borsh (Germaniya), Stefan Lupp (Germaniya).
Zaxira hakami: Karlos Vera (Ekvador)

Gol: Origi (87)

Belgiya: Kurtua, Alderveyreld, Kompani, van Byuyten, Vermalen (Vertongen, 31), Vitsel, Fellaini, Mertens (Miralyas, 75), de Breyne, Azar, Lukaku (Origi, 57).

Rossiya: Akinfeev, Kozlov (Eshenko, 62), V.Berezuckiy, Ignashevich, D.Kombarov, SHatov (Zagoev, 83), Glushakov, Samedov (Kerjakov, 88), Kannunikov, Kokorin, Fayzulin.

Ogohlantirish: Glushakov (38), Vitsel (55), Alderveyrel (74).

                                MATNLI TRANSLYACIYA
                                           YANGILASH




UCHRASHUV YAKUNLANDI! BELGIYA KEYINGI BOSQICHGA YO'L OLMOQDA!

90+2` Rossiyaning hujumi samarali chiqmadi. Qarshi hujumda Belgiya yanada faollashmoqda. Miralyasning zarbasini Akinfeev qaytarib qoldi.

90` Uchrashuvga 3 daqiqa vaqt qo'shib berildi.

89` Rossiya tarkibida o'zgarish: SHatov o'rniga Alan Zagoev, Samedov o'rniga Kerjakov tushirildi.

87` GOOOOOOOOOOOOOOOOOOOOOOOOL! ORIGI! Belgiya o'z maqsadiga erishmoqda! Azarning faolligi samara keltirdi. Qanotdan yorib kirgan Azar to'pni Origiga tashladi. Origi o'zining aniq va kuli zarbasi bilan hisobni ochmoqda!

86` Eden Azarning chiroyli harakat va zarbasi! To'p himoyachiga tegib o'z yo'nalishini o'zgartirdi. Juda xavfli!

85` Belgiya faollashdi!

84` AZAR! DARVOZA USTUNI!

83` Kannunnikov to'pni qo'li bilan o'ynadi. Xavfli jarima to'pi Rossiya darvozasi tomon.

81` UHHHHHHHHHHHHHHH! Bor ekansan-u uka! Eshenko! SHatov ajoyib tarzda to'pni Eshenkoga oshirdi, zaxiradan maydonga tushgan futbolchining zarbasi xavfli chiqdi, lekin biroz noaniq.

79` Laynsmenning "anti-radari" ishlab ketdi. Fellayni tezlikni belgilangan miqdordan oshirib yuboribdi.

77` Rossiya tashabbusni o'z qo'liga olgan. Ketma-ket hujumlar. Belgiya esa jim. Ruslar ularni "mute" tugmachasini bosib qo'yishgan shekilli pultdan...

75` Belgiya tarkibida o'zgarish. Mertens o'rniga Miralyas tushdi.

74` Alderveyreld sariq kartochka bilan siylandi. Ehtiyotkorlik bilan o'ynash kerak, janob Tobi!

73` Ignashevichning bosh bilan bergan zarbasi noaniq ketdi.

72` Kombarovning oshirib bergan to'pini Kompani bartaraf etmoqda.

71` Rossiyaning tezkor qarshi hujumi qaytarildi. Lekin hujum tugagani yo'q. Burchak to'pi.

70` To'p oshirishlar davom etmoqda. Zarbadan esa darak yo'q. To'pni menga oshir, darvozaga tepaman deydigan mard yo'q...

68` Belgiya juda charchagandek o'ynamoqda. Bugun ertalab "SA" jamoasi ham juda charchagan holda turnirda o'z ishtirokini boshladi va durang natijasini qayd etdi. CHarchoq alomatlari bilan to'p tepish oson emas... Lekin Belgiya nimaga charchagan bo'lishi mumkin?

65` Kokorin harakat qilmoqda, lekin van Buyten unga bugun deyarli imkoniyat bermayapti. "Dev va pakana" filmidan kichik epizod...

Fabio Kapello: "Bolalar, to'rtta gol urish kerak"

63` Aleksey Kozlov o'rniga Andrey Eshenko tushirildi.

61` O'yinga yangilik olib kira oladigan futbolchi ko'rinmayapti. Azar ham avvalgi Azar emas.

59` Rossiyaning hujumi! Kokorin oddiy zarba berishni o'rniga, "olifta"lik qilib "cherez sebya" tepaman dedi. O'xshamadi. Qarshi hujumda esa belgiyalarga biroz tezlik va aniqlik etishmadi. 

57` Belgiya tarkibida o'zgarish. Aytib o'tganimdek, Lukaku bugun samara keltirmadi. Vilmots uni maydondan olishga qaror qildi. Uchrashuvni Divok Origi davom ettiradi. Divokdan "rezkiy" o'yinni kuchaytira oladigan "dvijok"larni kutamiz...

55` Vitsel ham ogohlantirish oldi.

53` Rossiya faollashdi. Glushakovning zarbasiga biroz aniqlik etishmadi. Tanaffusda Fabio tog'a ruslarni ancha "yog'lab" chiqqanlar shekilli...

52` Lukaku bugun u qadar faol emas.

51` Xorazmlik Vitselga tibbiy yordam ko'rsatildi.

50` Vitsel maydonda jarohat olib yotibdi.

48` "Marakana"da stadionidagi ko'plab muxlislar tribunadan "yo'qolib" qolishgan-ku!

46` Ikkinchi bo'lim boshlandi!

Xorazmlik shovvozlar ham "Marakana"da mehmon:-)

Berezuckiy: "Igor, yana o'sha kungidek "qovun" tushurib qo'ymagin..."

Belgiyalik "qushcha"lar bugun Lukaku va Azarlardan gol kutishmoqda...

"Marakana" stadionigadagi Mashaxon bugun Rossiyani qo'llab-quvvatlamoqdalar:-)

Birinchi bo'limga yakun yasaldi, TANAFFUS! Ujin qivolinglar, 15 daqiqa vaqtingiz bor!

45` Birinchi bo'limga 1 daqiqa vaqt qo'shib berildi. Bu vaqiga kelib Vitsel zarba yo'lladi, lekin noaniq.

44` KOKORIN!!!!!!!!!! Kokorinning boshi bilan bergan zarbasiga birozgina aniqlik etishmadi. XAVFLI!

43` Ruslar ancha faollashishdi. Yana burchak to'pi. To'p oldida Samedov. To'p jarima maydonchasi ichiga etkazildi. Qaytgan to'pga esa Fayzulin kuchli zarba berdi. Noaniq. O'ynanglar-e! Gol kerak bizga!

41` Rossiya burchak to'pi tepdi. Lekin samarasiz. Futbolchilar ancha sustlashishdi. Men ham o'yin qolipiga tushib qolgandekman. Zerikib qoldinglarmi? Uzr :-)

40` KOKORIN!!!!!!!!!! Kokorin hozir jarima maydonchasiga kirib borishda Kompanini aldab o'tolmadi, yo'qsa hisobni ochish uchun yaxshi imkoniyatga ega bo'lardi. Kompaniga esa qoyil!
 
38` Glushakov Mertensga nisbatan qo'pol o'ynadi. Ogohlantirish.

36` Mertens bugun o'z qanotida erkin ijodkor sifatida harakat qilmoqda. Kombarov unga qarshi hech qanday chora ko'ra olmayapti.

35` Rossiyaning o'ng qanotdan tashkil etgan hujumi yakuniga etmay qoldi. Oleg SHatov esa navbatdagi hujumni o'z zarbasi bilan yakunlamoqchi bo'ldi. Ammo zarbaga kuch etishmadi.

33` Fellayni avvalgi o'yindagi kabi yaqqol ajralib turmayapti. To'g'ri, u har doim ajralib turadi. Soch turmagi evaziga...

32` Belgiya tarkibida zo'garish ruy berdi. Vermalen o'rniga Vertongen tushirildi.

31` Belgiya hozircha biroz ustunlikka ega. Ko'p hujum tashkil etishdi. Lekin Rossiya xavfli zarbalar borasida ilgarilab ketdi. Kurtua ikki bor jamoasidan goldan qutqarib qoldi. Belgiyaning hujumlari esa Akinfeevgacha etib bormayapti.

29` O'yin tempi biroz tushdi. To'p asosan maydon markazida ovora bo'lib yuribdi.

27` Azar-Lukaku-Mertens kombinaciyasi samara keltirmadi.

25` Belgiya navbatdagi burchak to'pini amalga oshirdi. Lekin rossiyalik himoyachilar bu safar ham xavfni bartaraf eta olishdi.

24` "Marakana" stadionida chiroyli "to'lqin" yuzaga kelmoqda. Muhit alo darajada.

22` Mertensni ushlashni iloji yo'qmi deyman? Har holda rossiyalik himoyachilar bugun ushbu ishni amalga oshira olishmayapti. Lekin Mertensga so'nggi pallada biroz anik etishmayapti.

20` MERTENS!!!!!! Ushbu futbolchini bugun rossiyalik himoyachilar to'xtatib qola olishmayapti. Hozir ham Mertens chiroyli harakatlari bilan bir-ikkita himoyachini ortda qoldirdi va darvoza tomon zarba yo'lladi. Xavfli, ammo biroz noaniq.

18` Belgiyaning istedodli "xonanda"si Eden Azarga mikrafonni berishayotganda, negadir Azar hozircha "panogramma" orqali qo'shiq ijro etmoqda. Jonli ijrodan ham bo'lsin-a? Nima dedinglar?

16` Kamina so'nggi paytlarda juda kam uxlamoqda. JAHON CHEMPIONATI bo'lyapti-ku!

15` Mertens o'ng qanotni to'liq o'ziniki qilib olgan. Ushbu futbolchining faolligi evaziga yuzaga kelgan navbatdagi hujum xavfli ko'rinish oldi. Lekin to'p Lukakuga etib kelmadi.

14` Rossiya to'pni o'z nazoratiga olmoqda va pozicion hujumlar tashkil etilmoqda.

12` Kurtua! Issiq choyni ichayotganda tomog'ini quydirib olishiga sal qoldiya! Rossiya hujumga o'tdi. Kurtuani tinchi buzildi.

10` Rossiya darvozasi oldida ko'proq hujumlar tashkil etilmoqda. Kurtua esa hozircha issiqqina ko'k choy ichib o'tiribdi.

8` Fabio Kapello jamoasi maydon markazidan o'tishga qiynalmoqda.

7` Belgiya hozircha kichik ustunlikka ega. Azar hozir o'zining nozik harakatlari bilan Rossiya himoyasini yorib o'tmoqchi bo'ldi. Ammo uning harakatlarini jamoadoshi biroz tushunmadi.

6` O'yinning borishi yomon emas-a? Jahon chempionatiku bu!

5` Mertens qulay vaziyatga chiqib bordi, lekin yakuniy zarbani berishda unga qarshilik ko'rsatishdi.

4` Samedov Vermalen bilan bo'lgan kurashda biroz jarohatlandi. Samedovga tibbiy yordam ko'rsatilmoqda. Jarohatlar kerak emas!

3` Belgiya jamoasi standart vaziyatidan unumli foydalana olmadi. Rossiya esa tezda qarshi hujum tashkil etdi. To'rtga bir chiqqan ruslar amalda hech narsa qila olishmadi.

2` Belgiya o'yinni hujum bilan boshlamoqda. Mertensning faolligi jamoasiga burchak to'pini taqdim etdi.

1` UCHRASHUV BOSHLANDI! Biz ham boshladik! Siz ham o'yinni ko'rishni boshlang... Qani kettik dermidi?!

Boshlanglar-e o'yinni!

Jamoalar sardorlari uchrashuv bosh hakami bilan "kelishib" olishmoqda. Yomon hayolga bormang, kim to'pni o'yinga kiritishi borasida "kelishib" olishmoqda.

Ananaga muvofiq har ikkala davlat madhiyalari yangrab o'tadi.

Jamoalar maydonga chiqib kelishdi.

Ushbu bellashuvni sharhlab borish kamina SHahboz Beg'amov zimmasiga tushgan.

Assalomu aleykum qadrli futbol ishqibozlari! Jahon chempionati 2-tur o'yinlarini so'nggi kunidagi bahslar boshlanish arafasida! Kunning ilk o'yini "H" guruhi vakillari Belgiya hamda Rossiya terma jamoalari o'rtasidagi bahs bilan boshlanadi! Ushbu uchrashuv ko'pchilikda katta qiziqish uyg'otayotgani bejizga emas. Sababi, Belgiya so'nggi paytlarda ancha kuchli futbol ko'rsatmoqda, Rossiya esa bugun uch ochko ilinjida maydonga tushadi. Bugun har ikkala jamoalardan chiroyli va mazmunli o'yin kutib qolamiz! Olg'a chiroyli futbol!

- Uchrashuv soat 21:00da boshlanadi.