“Barselona” “Deportivo”ni mag'lub etsa, “Real”ga qarshi bahsni chempion sifatida boshlaydi

Kataloniya klubi joriy mavsumda chempionlikka erishish uchun qolgan uchrashuvlarda atigi uch ochko to'plasa kifoya. Sababi Messi jamoadoshlari o'zaro o'yinlarda “Atletiko”dan (1:0, 1:1) ustunlikka egalar. 

“Barselona” 35- turda safarda “Deportivo”ni mag'lub etsa (“Sevilya”ga qarshi o'tkaziladigan 34-tur uchrashuvi 9 may kuniga qoldirilgan), kataloniyaliklar 36-turda “Real”ga qarshi bahsni chempion sifatida boshlashadi. Madrid klubi sal ilgariroq “chempionlik koridori” tashkil etmaslik haqida bayonot bergandi.

Takidlab o'tish joizki, “Barselona” joriy mavsumda Pirmeroni mag'lubiyatsiz o'tkazmoqda (25 ta g'alaba, 8 ta durang).