Bahodir SHaymardonov: "Har narsaning oxiri bor"

"Juda chiroyli o'yin ko'rdik. Buxoroda xalq sog'ingan shiddatli futbol bo'lishi kutilgandi. Raqib oldiga yuqori maqsadni qo'ygan. Har bir jamoaning maydondagi vazifasi yutish hisoblanadi. Hakim Fuzaylov yaxshi jamoa shakllantirgan. Durang ham yomon natija emas. Hisob esa o'yinga mos bo'ldi",- deydi murabbiy.

- Futbolchilarga hisobni ushlab qolish ko'rsatmasi berilganmidi? Ikkinchi bo'limda futboldan tashqari holatlarni ham ko'rdik...

- Futbol kichkina sportmas. Jamoamizda 90 daqiqaga etadigan tarkib shakllangan emas. Buni tan olamiz. "G'ijduvon"ga biz kutgan natijani ko'rsatishga hali bor. Har narsani oxiri bor. Vada beramiz, bunday ishtiyoqni yanada yuqori qilib o'ynaymiz.

-  Jamoaning maqsadi kuchli beshlikka kirish edi. Hozir esa bunday deb bo'lmaydi...

-  Mavsum boshida maqsad qo'yiladi. Hali ko'p narsa yo'qotmadik. Beshtalikka kirishga imkoniyatlarimiz bor. 

- Klubda moliyaviy muammolar yo'qmi?

-  Maoshlarimiz berilgan. Homiylarimiz qo'ldan kelgancha yordam qilishmoqda. Durang natijalarga ham mukofot pullari berilgan. Yigitlar nimalarga qodirligini isbotlashi kerak, xolos. 

- "Buxoro" bilan o'yinga qancha mukofot puli vada qilingandi?

-  Bu hammada har hil. Hali jismoniy tayyorgarligimiz etarli emas. Kim qancha yordami tegdi tahlil qilamiz.