Aziz Ibragimov: "Andijon"ni oliy ligada qolishi uchun bor kuchimni berishga tayyorman"

Dastlab "Sog'lom Avlod" stadioniga kelib, mashg'ulotni kuzatgan futbolchi shu asnoda klubga kelishi haqida qisqacha aytib o'tdi.

- CHexiyadagi klubim bilan amaldagi shartnomam yakunlanib borayotganida menga Ulug'bek aka Mirzaev "Andijon"da o'ynash taklifini bildirdi. Bu inson bilan yaxshi tanishmiz. U kishi menga o'z maslahatlari bilan yordam berib turadi. Qolaversa o'zimda ham yana yurtimizga qaytish ishtiyoqi bor edi. "Andijon" garchi 4 ochko bilan turnir jadvalida so'nggi pog'onada ketayotgan bo'lsa-da, bu jamoaning taklifini qabul qildim.

Bu erga kelishim haqida saytlarda xabarlar chiqa boshlaganidan keyin, menga mamlakatimizning yana ayrim jamoalardan og'zaki chaqiruvlar ham bo'ldi. Lekin "Andijon" rahbariyatiga vada berib qo'yganim uchun, boshqa variantlarga etibor qaratmadim.

- CHunki bu jamoa menga birinchi bo'lib aloqaga chiqdi va ishonch bildirdi. "Andijon"ni oliy ligada qolishga harakat qilinayotganini va bu yil jamoaning 50 yillik yubiley to'yi nishonlanishi aytishganida klubga yordam berishga qaror qildim. (Kulib) Sababi onajonim ham bu yil 50 yoshga to'ladi. Nasib qilsa jamoa o'z oldiga qo'ygan maqsadiga etadi. SHaxsan men bunga ishonaman. Agarda bunga ishonmaganimda kelmagan bo'lardim. Lekin bu birgina menga bog'liq emas. Buning uchun barcha futbolchida g'oliblik ruhi va katta ishtiyoq bo'lish kerak. Ahil bir oila bo'lib, bir maqsad yo'lida ishlash kerak deb o'ylayman.

- Andijonlik muxlislarga meni ko'tarinki kayfiyatda kutib olishgani uchun minnatdorchilik bildiraman. Nasib qilsa ikkinchi davrada mazmunli o'yinlarimiz bilan ularga xursandchilik ulashamiz degan umiddaman", - deydi Aziz Ibragimov.


Islombek RUSTAMBEKOV.