Azamat Abduraimov: "Tarkibdagi yo'qotishlar o'yin sifatiga tasir qildi"

"O'ylaymanki, o'yin muxlislarga manzur keldi. Biz uchun albatta qiyin bo'ldi, deya olaman. CHunki "Dinamo" Pro liganing etakchilaridan biri sanaladi. Superliga yo'llanmasi uchun kurashmoqda. Ular ham tarkib, ham o'yin bo'yicha kuchli edi. Raqibni g'alaba bilan tabriklayman. O'z shogirdlarimga esa oxirgacha kurashishgani uchun rahmat aytaman. Birinchi bo'lib gol urganimizga qaramasdan himoyadagi xatolarimiz pand berib qo'ydi. Birinchi bo'lim yomon o'tmadi. Agarda vaziyatlardan foydalana olganimizda mag'lubiyatga uchramas edik. 

Ushbu uchrashuvdan oldin tarkibimizda yo'qotishlar bor edi. Nodir Yo'ldoshev, Ulug'bek Xudoyberdiev jarohat oldi. SHuningdek Ilhom Alijonov, Abdumalik Abdullaevlarni xizmatidan foydalana olmadik. Bu albatta o'yin sifatiga o'z tasirini o'tkazdi. SHuni aytishim kerakki, himoya chizig'imizda to'p tepgan futbolchilar debyutini o'tkazdi. Ularga tajriba etishmadi. 

Hakamlik yomon o'tmadi. Jiddiy xato ko'rmadim",- deydi Azamat Abduraimov.