So’nggi yangiliklar

19:57"Барса" 17 ёшли озарбайжонлик футболчи билан шартнома имзолади  0 19:28"Алавес" — "Атлетико". Таркиблар маълум  0 19:25Ўзбекистон — Ўмон 0:1 (Матнли трансляция)  42 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  25 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  2 18:19"Ал Наср" — "Ал Батаэҳ". Ғаниев Лига кубоги учун ўйинда асосий таркибда  2 17:52"Ньюкасл" 85+5 млн евро эвазига ҳужумчи харид қилди?!  10 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  2 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  3 12:45Ўзбекистон терма жамоаси октябрь ойида Малайзияда Уругвай билан ўйнайди   14

Intervyu. Sardor Abduraimov: "Neftchi"da zaxirada o'tirgandan, "Mashal"da asosiy tarkibda o'rnimga ega bo'lish yaxshiroq" Yangiliklar

Intervyu. Sardor Abduraimov: "Neftchi"da zaxirada o'tirgandan, "Mashal"da asosiy tarkibda o'rnimga ega bo'lish yaxshiroq"

Superligaga qaytgan "Mashal" yangi mavsumga qizg'in ruhda tayyorgarlik ko'rmoqda.

Muborakliklar qishki transfer oynasida tarkibga sobiq futbolchisi Sardor Abduraimovni ortga qaytardi. Futbolchi o'tgan mavsumda "Metallurg" va "Neftchi" jamoalarida to'p tepdi. 

- Bir necha kundan so'ng Superliga start oladi. "Mashal"ning "Paxtakor"ga qarshi o'yini qoldirildi.  Tayyorgarlik jarayonlariga o'zgartirish kiritildimi?

- Jismoniy yuklamalarni kamaytirib "Paxtakor" bilan o'yinga tayyorgarlik ko'rishimiz kerak edi. Lekin ko'rganingizdek uchrashuv qoldirildi. Natijada murabbiylar tayyorgarlik jarayoniga biroz o'zgartirish kiritdi. Hozirda o'rtoqlik uchrashuvlarida ishtirok etmoqdamiz. Ikki kunlik tatildan so'ng yana mashg'ulotlarga qaytamiz.

- Chempionlik uchun kurashadigan "Neftchi"ni "Mashal"ga almashtirdingiz. Bunga nima omillar sabab bo'ldi?

- 2024 yilni Bekobod va Farg'onada o'tkazdim. Yuqori jamoalarda talab ham shunga yarasha bo'ladi. Qaerdadir o'yin amaliyotisiz qolib ketdim. Barqaror o'ynash istagi yuqori bo'lgani uchun "Mashal"ga keldim. Bu jamoa menga begona emas, o'zim shu erda talim olganman. Superligaga chiqqan jamoaga yordam berishni istayman. "Neftchi"da zaxirada o'tirgandan "Mashal"da asosiy tarkibda o'rnimga ega bo'lish yaxshiroq deb o'ylayman. 

- Jamoalarning tayyorgarligidan kelib chiqsak, "Mashal"ning Superligadagi ishtirokini qanday tasavvur qilyapsiz?

- Oxirgi yillarda jamoalar bir-biriga yaxshi qarshilik ko'rsatmoqda deya olaman. Oddiy misol bir necha mavsum oldin yoshlarni o'ynatgan "Surxon"ni hamma tushib ketadi deb taxmin qilgan. Lekin unday bo'lmadi, barqarorlikka erishishdi. "Mashal"ni ham qolgan jamoalarga qarshilik qilishini aytgan bo'lardim. O'zim kelib mashg'ulotlarda ishtirok etdim. O'yinimizda murabbiy imzosi ko'rinib turibdi. 

- Mavsumni "Paxtakor"ga qarshi boshlashni kutganmidingiz?

- To'g'risi kuchliroq jamoalar bilan to'qnash kelishni istagan edik. Nima uchun? Superligani his qilib olishimizda raqiblar bilan o'yinlardagi katta ishtiyoq yordam berardi. Jamoalar 5-6 ta turdan so'ng sport formasiga kirishib olishadi. Istaymizmi yoki yo'q Pro liga jamoalari bilan o'yinlarda bo'shashish ehtimoli bo'ladi. "Paxtakor"ga tushganimiz yaxshilikka xizmat qilishiga umid qilaman. 

- Humoyun Murtozaev bilan qaysi jamoada birga o'ynasangiz ham ajoyib tandem hosil qilgansiz. Malum bir vaqtdan so'ng yana bitta jamoadasiz...

- Humoyun bilan har doim bir jamoada o'ynashni istaganman. "Bunyodkor"da, keyin "Turon"da ham birga to'p tepdik. "Metallurg"da o'ynagan vaqtimda uni chaqirmoqchi bo'lganman. Bir-birimizni ko'zimizni yumib ham tushunamiz. O'ylashimcha, O'zbekistonda eng yaxshi tushunadigan sherigim Humoyun bo'ladi. Yangi mavsumda ham birga eng yaxshi o'yinlarimizni ko'rsatishimizga ishonaman.

Reyting:    

Fikrlar

championat.asia
< so’nggi yangiliklarni ko’rish
Яндекс.Метрика