Osiyo Kubogi. Alberto Zakkeroni: "Biz bu musobaqani sabrsizlik bilan kutdik"
04 jan 2019 21:50
Yangiliklar

Osiyo Kubogi. Alberto Zakkeroni: "Biz bu musobaqani sabrsizlik bilan kutdik"

Osiyo Kubogi 1-turidan o'rin olgan BAA - Bahrayn uchrashuvidan oldingi matbuot anjumanining birinchi qismida mezbonlar ishtirok etishdi.

BAA ustozi Alberto Zakkeroni va jamoa sardori Ismoil Matar jurnalistlar savollariga javob qaytardi.

"Biz bu musobaqani sabrsizlik bilan kutdik. Ajoyib natija qayd etish uchun bor kuchimiz bilan o'ynaymiz.

BAA terma jamoasi musobaqaga juda yaxshi tayyorgarlik ko'rdi. Biz o'z uyimizda ham, xorijda ham yig'inlar o'tkazdik. Osiyo Kubogiga tayyorgarlik jarayonida hech qanday muammoga duch kelmadik.

Bazi futbolchilar jarohat olishdi. Biroq bu jihatlar musobaqa davomida bizga tasir qilmaydi deb umid qilaman. Bahraynga qarshi bahsda ijobiy natija qo'lga kiritishga intilamiz.

Osiyo terma jamoalari so'nggi yillarda kuchayishdi. BAAdagi musobaqada jamoalarning imkoniyatlari teng. CHempion juda kichik detallar tufayli aniqlanishiga ishonchim komil", - deydi Alberto Zakkeroni.

"Osiyo Kubogidagi barcha jamoalar chempion bo'lishga teng imkoniyatga ega. Sababi ularning barchasi kuchli. 1996 yilgi Osiyo Kubogidagi natijamizdan (finaldagi mag'lubiyat - tahririyat) yaxshiroq ishtirok etishga urinamiz. Bahrayn bilan bahsga tayyormiz", - deydi BAA sardori Ismoil Matar.