Зоҳир Пиримов: “Олмалиқ” клубини тарк этдим, десам ҳам бўлади”

Игорь Шквирин жамоани тарк этганидан сўнг, унинг ўрнига Виктор Кумиков таклиф этилди. “Кончилар” янги мавсумга тайёргарликни ушбу мураббий қўл остида ўтказмоқда. Лекин жамоа сардори Зоҳир Пиримов клуб машғулотларида қатнашмаяпти. Бунга, футболчининг “агар Игорь Шквирин жамоадан кетса, мен ҳам клубдан кетаман” деган гаплари сабаб бўлиши мумкин. 

“Айни дамда жамоа билан машғулотларда қатнашмаяпман. “Олмалиқ” клуби билан тузган шартномам шу йилнинг 30 декабрь куни ўз ниҳоясига етади. Айрим жамоалардан менга нисбатан қизиқишлар бўлмоқда. Лекин ҳозирча ҳеч ким жиддий таклиф билан чиқмади. “Олмалиқ” клубини тарк этдим, десам ҳам бўлади. Тўққиз йил бир жамоада тўп тепиб, кейин ушбу клубни тарк этиш жуда ҳам оғир. Юрагимнинг бир парчаси “Олмалиқ”да қолган. Қайси жамоага бориб қўшилишим янги йилдан сўнг маълум бўлади. Ҳозирча уйимда дам оляпман”, - дейди “Олмалиқ” жамоаси футболчиси Зоҳир Пиримов 

Жаҳонгир Сотволдиев