UZ

Сўнгги янгиликлар

22:26"Женоа"га қарши ўйин олдидан "Ювентус"да катта йўқотиш  0 22:15ЕЧЛ. “Шахтёр” – “Реал Мадрид” (Матнли трансляция)  5 22:11Исломбек Исмоилов: "Турон" Суперлигада ҳам муносиб иштирок этмоқчи"  16 21:55ЕЧЛ. “Шахтёр” – “Реал” ва яна бир баҳснинг асосий таркиблари маълум  9 21:35Ла Лига президенти стадионга мухлислар қачон қайтиши борасида фикр билдирди  0 21:28Фарғона вилояти ИИБ "Нефтчи" - "Турон" учрашувидан кейинги ҳолат бўйича баёнот берди  105 21:15Ла Лига “ой мураббийи” номига даъвогарлар учлигини эълон қилди  4 20:55Куман: “Мессига кўрсатилган сариқ карточкани бекор қилган бўлардим”  1 20:51"Тезкор студия". "Нефтчи" - "Турон", дастлаб футбол, кейин карате...  92 20:40“Ювентус” сардори яна жароҳат олди  2 20:20Британияда “йил спортчиси” номига “Ливерпуль” аъзоси ҳам даъвогарлик қилади  1 20:05Де Хеанинг жароҳати жиддий бўлиб чиқмади  2 19:55“Шахтёр” вингери “Реал” билан баҳс олдидан: “Барселона”да ўйнаш орзуим”  12 19:40Италиялик футбол функционери Ўзбекистонга келди, у “Оқ-тепа” билан ҳамкорлик қилмоқчи  16 19:25Алаба АПЛ клуби билан дастлабки келишувга эришди  10

Тоҳир Кападзе: “Муваффақиятли ўйинларимизнинг замирида меҳнатларимиз ётибди” Янгиликлар

Тоҳир Кападзе: “Муваффақиятли ўйинларимизнинг замирида меҳнатларимиз ётибди”

Бу йил биринчи лиганинг “Шарқ” минтақасида ҳар йилгидан кўра мазмунли ва ижобий иштирок этаётган “Қўқон-1912”нинг қайд этаётган натижалари таҳсинга лойиқ.
Сабаби жамоа жорий мавсум мухлисларини қувонтирмоқда. Айниқса жамоа бошқарув постига Тоҳир Кападзе келганидан сўнг, натижалар ижобий томонга ўзгара бошлади. Айни пайтда эса “Қўқон-1912” турнир жадвалида 2-ўринга мустаҳкам ўрнашиб олди. Куни-кеча қўқонликлар биринчи лиганинг “штатли” иштирокчиси “Оқтепа”ни йирик (4:1) ҳисобда мағлубиятга учратди.

- Тоҳир Вейсалович, жамоа бошқарувини қўлга олганингиздан кейин, “Қўқон-1912” кетма-кет ғалабаларга эришди. Бунинг натижасида жамоанинг турнир жадвалидаги ўрни ҳам тез фурсат ичида ижобий томонга ўзгарди. Бунга қандай эришилмоқда?

 - Муваффақиятли иштирокимизнинг замирида биринчи навбатда, меҳнатларимиз ётибди деб ўйлайман. Машғулотларда ранг-барангликка қўл уришимиз ва тинимзсиз ҳаракатлар натижасида жамоа турнир жадвалида юқори ўринлар учун курашадиганлар қаторидан жой олди. Бунда барчанинг ҳизмати бор. Клуб раҳбариятидан тортиб, футболчиларгача.

- Жамоада иш бошлаганингиздан сўнг, футболчилар шу кунгача қанчалик ўсишга эришди?

- Албатта, йигитларда скзиларли ўсиш кўзга ташланмоқда. Буни қайд этаётган натижаларимиздан ва турнир жадвалидаги эгаллаб турган ўрнимиздан ҳам билиб олиш мумкин. Бу билан тўхтаб қолмоқчи эмасмиз. Боиси олдинда ҳали кўплаб учрашувлар кутиб турибди. Ўйлайманки, шогирдларим ўйиндан ўйинга янада ўсади.

- Клубда иш бошлаганингиздан кейин, натижанинг ижобий томонга ўзгартириш учун кўпроқ нималарга эътибор қаратдингиз?

 - Юқорида айтиб ўтганимдек, таркибда асосан маҳаллий ёшлар ҳаракат қилмоқда. Айни пайтдаги ихтиёримизда бўлган футболчилар билан биринчи босқич якунигача иштирок этишга мажбурмиз. Демоқчиманки, ҳозир таркибда кўшимча ўзгаришлар қила олмаймиз. Жамоада дастлаб футболчиларнинг руҳий холатини яхшилашга киришдик. Бундай пайтда йигитларнинг ўз кучларига бўлган ишончини ортиши муҳим аҳамият касб этади. Қолаверса машғулотларда ҳам жиддий ўзгаришларга қўл урдик. Махсус дастурлар ишлаб чиққан холда, шу тизим асосида иш олиб бормоқдамиз. 

- Иккинчи босқич ўйинларига таркибни бироз кучайтириш орқали киришилса керак. Ҳар холда “жанг”нинг энг асосийси айнан ушбу босқичдан старт олиши таҳмин қилинмоқда. Шу боис айтингчи, селекция жараёнида кўпроқ қайси чизиқларни кучайтиришни режалаштиргансиз?

- Табиийки таркибни кучайтириш ишлари олиб борилади. Бу борада янги футболчилар асосан Фарғона вилоятидан бўлади. Четдан ўйинчи олиб келиш ниятимиз йўқ. Вилоятнинг асосий жамоаси “Нефтчи” иккинчи даврада таркибини кучайтириш учун хорижлик футболчиларни олиб келиши мумкин. Шунда жамоа ўйинига мос келмаган айрим ўйинчиларни “Қўқон-1912”га жалб этиш орқали сафимизни кучайтиришни ўйлаб турибмиз.

- Айни пайтда қўл остингизда тўп сураётган ёш футболчиларга олий лигадан совчилар келса, уларни қўйиб юборасизми ёки таркибда олиб қолишга ҳарақат қилинадими?
- Йўқ, агарда ўша футболчимиз олий лига жамоасида ўйнаб кета олишига ишонса унга омад тилаймиз. Футболчимиз олий лигада ўйнаса бундан фақат хурсанд бўламиз.
 

Исломбек РУСТАМБЕКОВ суҳбатлашди.
Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика