O'yin haqida
Odatda "Buxoro" jamoasi himoyaviy o'yin ko'rsatardi, bugun yanada himoyaviyroq o'yin namoyish etdi. Ularning rejasini buzish uchun birinchi bo'limdagi vaziyatlardan gol ura olishimiz lozim edi. O'shanda hujumda yaqqol ustunlikka ega bo'lishimiz mumkin edi. "Buxoro" ikkinchi bo'limda ko'pchilik bo'lib himoyalandi va bizga vaziyat yaratishga ko'p ham imkon bermadi. Vaziyatlardan unumli foydalanishda hujumchilarimizga sovuqqonlik yetishmadi.
O'ylaymanki, bugungi durang ikki jamoani ham qoniqtirmaydi, chunki bizga ham, ularga ham g'alaba kerak edi.
Bugungi uchrashuvga hakamlar o'z ta’sirini ko'rsatishdimi?
Hakamlar haqida oldin hech gapirmasdim. Lekin bugungi hakam saviyasi va darajasi pastdek ko'rindi menga. Chunki uning maydondagi harakati ham, chiqarayotgan qarori ham bizga tushunarsiz bo'ldi. Bunga nima sabab bo'lganligini bilish qiyin. Yakkakurashlardagi vaziyatlarda ko'p xato qildi, bazi vaziyatlarda g'alati-g'alati qarorlarni chiqardi. Hakamlardan bu darajadagi hakamlikni kutmagandik.
