Бу ҳақда журналист Экрем Конур хабар берди.
Манбага кўра, ПСЖ 24 ёшли франциялик футболчи учун 100 миллион евро таклиф қилишни режалаштирмоқда. Бироқ "Бавария" Олисени жамоада сақлаб қолиш ниятида ва ҳозирда у билан янги шартнома бўйича фаол музокаралар олиб бормоқда.
Жорий мавсумда Майкл Олисе юқори даражадаги ўйини билан ажралиб турибди: у 29 та учрашувда 13 та гол урди ва 21 та голли узатмани амалга оширди. Футболчининг амалдаги шартномаси 2029 йилгача мўлжалланган бўлиб, "Transfermarkt" порталига кўра, унинг қиймати 130 миллион еврони ташкил этади.
