Ойбек Абдураҳмонов: "Ишлашда, меҳнат қилишда давом этамиз"
30 апр 2018 11:52
Янгиликлар

Ойбек Абдураҳмонов: "Ишлашда, меҳнат қилишда давом этамиз"

Хабарингиз бор, айни кунларда футзал бўйича Ўзбекистон чемпионати 5-тур учрашувлари бўлиб ўтмоқда.

Куни кеча "Сўғдиёна" футзал жамоаси ўз майдонида Қаршининг "Насаф" футзал жамоасини қабул қилди. Ушбу баҳсда "Сўғдиёна" футзал жамоаси иродали ғалабага эришди (7:4). Ўйиндан сўнг "Сўғдиёна" футзал жамоаси бош мураббийи Ойбек Абдурахмоновдан клуб расмий сайти учун қисқача интервью олишга қарор қилдик.

- Авваламбор, ўйинга ташриф буюрган барча мухлисларга миннатдорчилик билдирамиз. Залда ажойиб муҳит бўлди ва айнан шу жамоани олдинга боришга ва ғалаба қозонишга чорлади. Таркибга ёш ва асосан маҳаллий футзалчилар йиғилган. Ўйинда хатоларимиз кўп. Биз улар устида машғулотларда ишлашда давом этамиз. "Насаф" футзал жамоасига қарши иккинчи ўйинимиз ҳам бор. Ўйлайманки, унда ҳам мухлислар келиб жамоани қўллаб-қувватлайди. Биз эса ишлашда, меҳнат қилишда давом этамиз - дейди Ойбек Абдураҳмонов.

Эслатиб ўтамиз, "Сўғдиёна" бугун "Насаф" жамоасига қарши иккинчи баҳсни олиб боради. Ўйин соат 14:00 да "Сўғдиёна" спорт мажмуаси залида бўлиб ўтади. Кириш бепул!