Oltin to'p uchun ovoz berish jarayoni 29 noyabrgacha uzaytirildi

Narzulla Saydullayev
20 noya 2013, 11:44
FIFA 2013 yilgi Oltin to'pni aniqlash uchun o'tkazilayotgan so'rovnomani 29 noyabrga qadar uzaytirishga qaror qildi, deb xabar bermoqda El Mundo Deportivo.
Dastlab ovozlar 15 noyabrgacha qabul qilinishi kerak edi. Endi esa barcha terma jamoa murabbiylari, jamoa sardorlari va jurnalistlar bergan ovozlarini o'zgartirishlari mumkin, deb xabar bermoqda CNN muxbiri Tankredi Palmeri.

Dastlabki sanaga qadar FIFAga o'z ovozlarini yubora olmaganlar ham 29 noyabr kuniga qadar ovoz berishlari mumkin.

Oltin to'p finalchilari nomi 9 dekabr kuni e'lon qilinishi lozim.

Sovrin topshirish marosimi 2014 yil 13 yanvar kuni Cyurixda bo'lib o'tadi.

Narzulla SaydullayevMuallif
Manba: sports.ru