Беллингем Испанияда мавсум футболчиси бўлди, аммо тақдирлаш маросимида "Реал"нинг бирорта вакили иштирок этмади
11 ноя 2024 23:48
Янгиликлар

Беллингем Испанияда мавсум футболчиси бўлди, аммо тақдирлаш маросимида "Реал"нинг бирорта вакили иштирок этмади

Marca нашри Жуд Беллингемни ўтган мавсумнинг энг яхши футболчиси деб топди.

"Реал" ярим ҳимоячиси ЛаЛигада мавсум футболчисига топшириладиган Альфредо Ди Стефано совринини қўлга киритди.

Беллингем ўтган мавсум "Реал" сафида Испания чемпионатининг 28та учрашувида майдонга тушиб, 19та гол урди ва 6та голли пас берди.

Англиялик тўпурарлар пойгасида Александр Серлот ва Артём Добвиклардан сўнг 3-ўринни эгаллади.

Бироқ Беллингем ва бошқа совринларга номзод бўлган "Реал"нинг бошқа футболчилари ушбу маросимда иштирок этишмади.

Marca раҳбари ушбу вазиятга қуйидагича фикр билдирди: "Реал Мадрид"нинг совринларга тўсатдан пайдо бўлган аллергияси туфайли, бу менга тобора тушунарсиз бўлиб боряпти".

Эслатиб ўтамиз, Винисиус Жуниор "Олтин тўп"ни олмаслиги ҳақида маълумот пайдо бўлганидан сўнг "Реал" вакиллари Парижда ўтган маросимга бойкот эълон қилишганди.

Ҳавола :

Манба : Marca

Янгиликларни Телеграмда ўқинг!

Рейтинг: +7