Avvalroq futbolchi mavsum yakunlangach "Bavariya"ni tark etishini e'lon qilgandi.
PSJ futbolchiga aniq taklif bilan chiqib ulgurdi. Shuningdek, Alaba anchadan buyon ushbu futbolchini Fransiyaga olib kelmoqchi bo'lib yurgan PSJ prezidenti Nosir Al-Xelayfi bilan suhbatlashdi.
PSJ Alabaga yarim himoya markazida joy kafolatlamoqda. Futbolchiga qiziqayotgan yana bir klub "Real Madrid" esa bunday variant taklif qila olmaydi, sababi ushbu nuqtada Kazemiro, Toni Kroos va boshqa bir qator futbolchilar mavjud.
Ushbu mavsum Alaba "Bavariya" safida Bundesliganing 22 uchrashuvida maydonga tushdi va 2 ta gol, 1 ta assist qayd etdi.
