"Ювентус" раҳбарияти Рабьодан норози

Гап шундаки, футболчи аллақачон Туринга етиб келиши керак эди, аммо у ҳамон Францияда. Ярим ҳимоячи клубга коронавирус билан боғлиқ вазият туфайли уча олмаётгани тўғрисида хабар берган, аммо "кекса синьора" раҳбарияти буни баҳона деб ҳисоблаяпти.

Gazzetta dello Sport хабарида айтилишича, "Ювентус"нинг аксар ўйинчилари аллақачон клуб таркибига келиб қўшилишган. Францияда қолиш қарори Рабьонинг келажагига таъсир қилиши мумкин. 

Аввалроқ 25 ёшли футболчига "Манчестер Юнайтед" ва "Эвертон" клублари қизиқиш билдираётгани ҳақида хабар берилганди.