"Ювентус" Локателли учун "Сассуоло"га 30 миллион евро ва икки футболчисини таклиф қилади

Журналист Николо Скиранинг маълумотига кўра, Турин клуби италиялик футболчи учун 30 миллион евро, шунингдек битимга ҳимоячи Раду Драгушина ва ҳужумчи Марко да Гракуни қўшишга тайёр.

"Ювентус" ва "Сассуоло" вакиллари трансфернинг барча шартларини муҳокама қилиш ва келишувга эришиш учун ушбу ҳафтада учрашув ўтказишади.

Локателли шахсий шартнома бўйича "кекса синьора" билан келишувга эришиб бўлган. Битим 2026 йилга қадар имзоланади, 23 ёшли футболчининг йиллик маоши эса 3 миллион еврони ташкил этади.

Футболчи якунланган мавсум 34та ўйинда майдонга тушиб, 4та гол ва 3та ассист қайд этди. Унинг "Сассуоло" билан тузган шартномаси 2023 йилнинг июнига қадар мўлжалланган.