Янги стадион "Интер" ва "Милан"га 1,2 миллиард еврога тушади

"Интер" ва "Милан" футбол клублари томонидан муниципал маъмуриятга тақдим этилган ҳужжатга кўра, Миланнинг Сан-Сиро туманида янги стадион қуриш қиймати 1,2 миллиард еврони ташкил этади. 

Лойиҳага кўра, стадион қурилиши 2031 йилгача якунланади. Биргина аренани қуриш учун тахминан 700 миллион евро сарфланади. Икки клуб лойиҳаси янги стадион қуриш ва унинг атрофини музей, дўконлар, офислар, меҳмонхона ва яшил майдонга эга спорт марказига айлантиришни ўз ичига олади.

Миланнинг икки клуби ҳозирги 98 йиллик тарихга эга "Сан-Сиро" стадиони ва унга туташ ҳудудни шаҳар кенгашидан сотиб олади.