Тиббий текширувдан сўнг "Милан" 30 млн. евролик трансферни бекор қилди
02 фев 20:33
Янгиликлар
Тиббий текширувдан сўнг "Милан" 30 млн. евролик трансферни бекор қилди
Франциялик ҳужумчи Жан-Филипп Матетанинг "Кристал Пэлас"дан "Милан"га ўтиши амалга ошмайдиган бўлди.
Таниқли инсайдер Жанлука Ди Марционинг хабар беришича, Италия клуби раҳбарияти 28 ёшли футболчини сотиб олмасликка қарор қилган. Даниэле Лонгонинг қўшимча қилишича, бунга бугун ўтказилган чуқурлаштирилган тиббий кўрик натижалари сабаб бўлган. "Россонери" шифокорлари текширувлардан сўнг трансферга тўсқинлик қилувчи жиҳатларни аниқлашган.
Аввалроқ "Милан" ва "Кристал Пэлас" футболчининг трансфери борасида 30 миллион евро эвазига келишувга эришгани хабар қилинганди.
Маълумот учун, Матета АПЛ жорий мавсумида 23 та ўйинда майдонга тушиб, 8 та гол уришга эришган эди. Энди "Милан" қишки трансфер ойнаси ёпилгунига қадар тезкорлик билан бошқа ҳужумчи излашига тўғри келади.
Ўхшаш янгиликлар
20:03
Модрич оиласи ва дўстлари, жумладан Манжукич учун “Интер”га қарши дерби учун 60 та чипта сотиб олди 4
championat.asia
Умид Ҳамроев учрашув қаҳрамони бўлган баҳсда "Бухоро" "Навбаҳор"ни меҳмонда мағлуб этди
Дональд Трамп "Интер Майами" футболчилари билан учрашувда: "Месси Пеледан кучлироқ"
Суперлига. Перица дублга эришган баҳсда "Нефтчи" йирик ҳисобдаги ғалабани тантана қилди
ЛаЛига. "Реал Мадрид" меҳмонда "Сельта"ни қийинчилик билан мағлуб этди
Фикрлар