Хажиме Мориясу: "Биринчи таймда Туркманистоннинг кучли ҳимоясига қарши курашдик"
10 янв 2019 16:32
Янгиликлар

Хажиме Мориясу: "Биринчи таймда Туркманистоннинг кучли ҳимоясига қарши курашдик"

Осиё Кубоги 1-туридан ўрин олган Япония - Туркманистон (3:2) учрашувидан сўнг японлар устози матбуот анжуманида ўз фикрларини билдирди.

"Танаффус вақтида мен шогирдларимга бундан яхшироқ ўйнаш кераклигини айтдим. Биринчи гол ўтказиб ўзимизни қийин аҳволга солдик.

Биринчи таймда Туркманистоннинг кучли ҳимоясига қарши курашдик. Тўпни яхши назорат қилдик. Иккинчи таймда тезкорроқ ва яхшироқ ўйнадик, шу боис ҳам учта гол ура олдик деб ўйлайман.

Биз кўпроқ комбинацион ўйин кўрсатишимиз мумкин эди. Уммон билан кейинги баҳсда буни тўғрилашга ҳаракат қиламиз. Биринчи учрашув қийин бўлишини кутгандик, амалда ҳам шундай бўлди.

Ғалаба қозониб БААга келган ва Япониядаги мухлисларимизни хурсанд қилганимиз яхши бўлди. Бироқ навбатдаги баҳсда ҳам ҳимояни, ҳам ҳужумни кучайтиришимиз шарт", - дейди Хажиме Мориясу.