Ван Дейк: "Ўшанда икки кун ухлай олмадим"
27 дек 2022 20:44
Янгиликлар

Ван Дейк: "Ўшанда икки кун ухлай олмадим"

Нидерландия термаси ҳимоячиси Виржил ван Дейк миллий жамоанинг ЖЧдан чиқиб кетганидан анча вақт хомуш бўлиб юрганини тан олди.

"Ўша ўйиндан кейин икки кун ухлай олмадим. Бу мантиқан тўғри ҳолат бўлса керак. Хатто икки гол ўтказиб юборганимиздан кейин ҳам бизда муваффақият учун йўл бор эди. Афсуски, пенальтини аниқ амалга ошира олмадим. Бу жуда оғриқли бўлди. Ўшандан кейин жуда оғир оқшом ва тунни ўтказдим", - деди ван Дейк.

Эслатиб ўтамиз, ЖЧ 1/4 финалида нидерландияликлар Аргентина билан асосий ва қўшимча бўлимларда 2:2 ҳисобини қайд этди ва пенальтилар сериясида 3:4 ҳисобида мағлуб бўлди.