Тўртта етакчи клуб ван де Вен учун курашмоқда
23 янв 13:04
Янгиликлар

Тўртта етакчи клуб ван де Вен учун курашмоқда

Нидерландиялик ҳимоячи Микки ван де Вен "Тоттенхэм"ни тарк этишни истамоқда, "шпорлар" эса унинг трансфери орқали салмоқли маблағ ишлаб олиши мумкин.

Машҳур журналист ва инсайдер Экрем Конур ўзининг X ижтимоий тармоғида хабар беришича, 24 ёшли ҳимоячи "Реал", "Бавария", "Ливерпуль" ва "Манчестер Юнайтед" учун жозибали трансфер мақсадига айланган.

Футболчининг ўзи "Тоттенхэм" билан янги шартнома имзолашдан бош тортди ва совринлар учун курашадиган жамоада ўйнаш истагини очиқ билдирди.

Ван де Венни жамоада сақлаб қолиш жуда қийин бўлишини англаган "шпорлар" раҳбарияти ҳимоячи учун 100 млн евро миқдорида компенсация суммасини белгилади. Катта эҳтимол билан футболчи ёзги трансфер ойнасида Лондонни тарк этади.

Нидерландиялик марказий ҳимоячи жорий мавсум жамоа сафида 29 ўйин ўтказиб, 6 та гол урди ва 1 та голли узатмани амалга оширди. Ван де Веннинг "Тоттенхэм" билан амалдаги шартномаси 2029 йилгача мўлжалланган.

Ҳавола :

Манба : x.com/Ekremkonur

Янгиликларни Телеграмда ўқинг!

Рейтинг: +3