Валижон Раҳимов: "Андижон" ўз ўйинини топиб олади"
28 май 02:02
Янгиликлар

Валижон Раҳимов: "Андижон" ўз ўйинини топиб олади"

Ўзбекистон Суперкубогида "Насаф"дан учралган мағлубиятдан кейин "Андижон" дарвозабони Валижон Раҳимов фикрларини билдирди.

- Қизиқарли ўйин бўлди. Биттагина пенальти барчасини ҳал қилиб кетди. Балки ўйиндан кейин пенальтилар сериясини кўришимиз ҳам мумкин эди. "Насаф"ни ғалаба билан табриклаймиз.

- "Андижон" бугун ўзи истаган ўйинин кўрсатди десак бўладими?

- Эътибор берган бўлсангиз, "Насаф"да пенальтидан бошқа вазият бўлгани йўқ. Ўйин яхши кетаётганди, лекин пенальти ўзгартириб юборди. "Андижон" секин-секин ўз ўйинини топиб олишда давом этади.

- Стадионга келган мухлислар ҳақида.

- Мухлисларимиз учун кўпроқ ҳаракат қилмоқчи эдик, чунки улар узоқ йўл босиб келишганди. Бу сафар ўхшамади, кейинчалик уларни хурсанд қилишга ҳаракат қиламиз.

- Олдинда кичик танаффус бор. Бу жамоанинг фойдасига хизмат қиладими?

- Шунақа десак ҳам бўлади. Танаффус бизга фойда бўлиши керак. Нималар устида ишлашимизни тушуниб етиб, ўшаларни яхшилашимизни билиб оламиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +1