Уругвай термаси техник ҳамкорсиз қолди, жамоа брендсиз либосларда ўйнамоқда
28 мар 21:49
Янгиликлар

Уругвай термаси техник ҳамкорсиз қолди, жамоа брендсиз либосларда ўйнамоқда

Теглар : Уругвай

ФИФА қаршилигига қарамай, икки марта жаҳон чемпиони бўлган мамлакат логосида тўртта юлдуз акс эттирилган.

Уругвай терма жамоаси Puma компанияси билан ҳамкорлик шартномасини узайтира олмади ва техник ҳамкорсиз қолди. Натижада футболчилар киядиган либослар ҳеч қандай бренд акс эттирилмаган ҳолда ишлаб чиқарилмоқда.

UNICEF билан ҳамкорликда ишлаб чиқарилган либосларда Уругвай футбол ассоциацияси логотипи юқорисида тўртта юлдуз акс эттирилган.

ФИФА иккита юлдузчани олиб ташлаш бўйича берган тавсиясига қарамай, икки марта жаҳон чемпионлигини қўлга киритган Уругвай тўрт юлдузчадан воз кечмади. Гап шундаки, мамлакат терма жамоаси икки мундиал чемпионлигидан ташқари яна икки маротаба Олимпия ўйинлари ғолибига айланган.

Ҳавола :

Манба : UruguayFoot

Янгиликларни Телеграмда ўқинг!

Рейтинг: +6