Куни кеча Ўзбекистон мезбонлик қиладиган футзал бўйича Жаҳон чемпионатига қуръа ташлаш маросими бўлиб ўтди. Ҳамюртларимиз мезбон сифатида "А" гуруҳидан ўрин олди ҳамда Парагвай, Нидерландия ва Коста-Рика билан беллашадиган бўлди.
Айни дамда ФИФА рейтингида Ўзбекистон футзал терма жамоаси 11-ўринни эгаллаб турибди. Парагвай 13, Коста-Рика 31, Нидерландия эса 36-ўринда жойлашган.
Эслатиб ўтамиз, Хосе Венансио Лопес мураббийлигидаги футзалчиларимиз мундиалдаги очилиш ўйинини 14 сентябрь куни Нидерландияга қарши ўтказади.
