Нидерландия футзал термаси бош мураббийи: "Ўзбекистонга қарши ўйинга 100 фоиз тайёр бўлишимиз керак, сабаби..."
27 май 12:29
Янгиликлар

Нидерландия футзал термаси бош мураббийи: "Ўзбекистонга қарши ўйинга 100 фоиз тайёр бўлишимиз керак, сабаби..."

Нидерландия футзал терма жамоаси бош мураббийи Мигель Андрес Жаҳон чемпионатига қуръа ташлаш маросими ҳақида фикр билдирди.

"Қуръа ташлаш маросимидан сўнг Жаҳон чемпионатини янада орзиқиб кутаман. Очилиш ўйинини мезбон давлатга қарши ўтказиш, албатта, ажойиб, лекин бу катта машаққатни ҳам талаб этади. У ерда ўзбекистонлик мухлислар кўп бўлади, шунинг учун биз биринчи кунданоқ 100 фоиз тайёр бўлишимиз керак.

Шунингдек, яна бир қийин рақиб — Парагвай билан тўқнаш келамиз. Бу жамоа Европанинг йирик клубларида тўп тепадиган кўплаб тажрибали футболчиларга эга ҳисобланади. Коста-Рика ҳақида кўп маълумотга эга эмасмиз, бироқ келгуси ойларда бу жамоани ҳам яхши ўрганамиз", – деди испаниялик мутахассис.

Эслатиб ўтамиз, Нидерландия "А" гуруҳида Ўзбекистон, Парагвай ва Коста-Рика билан беллашади. Европаликлар илк ўйинни мезбонларга қарши ўтказади.

Ҳавола :

Манба : Championat.asia

Янгиликларни Телеграмда ўқинг!

Рейтинг: +8