U-23 Осиё Кубоги. Мирсаидов жароҳат билан ўйнади

Унда Ўзбекистон олимпиячилари  Японияни мағлуб қилишди (2:0). Учрашувдан кейин жамоамиз ҳимоячиси Саидазамат Мирсаидовнинг фикрларига қулоқ тутдик.

— Ажойиб ғалаба бўлди. Барчага ташаккур.

— Ўтган ўйинда жароҳат билан ўйнагандингиз. Ҳозир тўлиқ яхшимисиз?

— Ҳа, бироз жароҳатим бор эди. Ҳозир тузалдим. Лекин жисмоний жиҳатдан тўлиқ тикланишга улгурганим йўқ. Шу туфайли асосан ақл билан ўйнашга ҳаракат қилдим. Шукр, қўпол хатога йўл қўймадик.

— Бўлажак финал ҳақида...

—  Ҳал қилувчи баҳсда Саудия Арабистони билан тўқнашамиз. Дубайда уларга имкониятни бой берган эдик. Лекин финалда барчаси бошқача бўлади. Бунинг учун боримизни берамиз.

— Стадион атрофида 20 мингга яқин мухлис йиғилди. Бу ёқимли ҳолатми?

— Албатта. Меҳмонхонадан чиқишимиз билан юзлаб мухлислар бизга ҳамроҳлик қилишди. Уларнинг ҳар доим ёнимиздалигини ҳис қилиш бизга қўшимча куч бағишлайди.