UZ

Сўнгги янгиликлар

11:35Ўзбекистон U-23 терма жамоаси 3 июль куни йиғинга киришади, Францияга қачон учиб кетилиши ҳам маълум  0 10:48Неймар фаолиятидаги энг қийин рақиб ҳақида фикр билдирди  2 10:20Роналду «Реал Мадрид»ни тарк этишини эълон қилган Начога мурожаат қилди  3 10:05Ўтган мавсумнинг энг муваффақиятсиз трансферлари. 1-қисм  0 09:53Ўзбекистон кубоги. Нимчорак финал учрашувларининг бошланиш вақтлари маълум  3 09:26Муҳсин Низомиддинов: "Давралар оралиғида баъзи нарсаларни ўзгартирамиз ва керакли натижаларга эришишга ҳаракат қиламиз"  3 08:57Евро-2024. Кечаги учрашувларда кимлар «man of the match» соҳибига айланди?  0 08:30Про лига. Бугун 14-тур якунланади  0 08:02Копа Америка. Аргентина сўнгги дақиқаларда ғалабани «илиб кетди»  16 07:40Суперлига. Бугун Андижонда «оловли» ўйин бор  32 02:25Евро-2024. Дания - Сербия 0:0, Даниянинг голи хисобга олинмади  0 02:15Евро-2024. Англия - Словения 0:0, Палмер ваниҳоят майдонга тушди  2 01:55Евро-2024. Дания билан голсиз дуранг қайд этган Сербия турнирни тарк этди  4 01:50Мусобақанинг энг зерикарли учршувида Англия Словения билан нурсиз дуранг ўйнади  20 01:18Андреа Белотти "Рома"ни тарк этиб, А Серияни бошқа жамоасига ўтди  0

Тугалланмаган мақоланинг ўзгача анонси Янгиликлар

Тугалланмаган мақоланинг ўзгача анонси

Ўтган йилнинг ёз ойлари, аниқроғи, июнь. 18 ёшдаман.

Барча тенгдошларим (абитуриентлар) қаттиқ ҳаяжонда. Менда қанайдир ишонч пайдо бўлган. Олийгоҳга (ЎзЖОКУ) кира олишимга деярли шубҳа қилмайман, агар имтиҳонлар шаффоф ўтса. Хуллас, мен имтиҳонлар ҳақида эмас, келажак ҳақида қайғура бошлаган пайтларим. 

Кундузги таълимга топширсам, шундоғам мусофирчиликда юрган ота-онамга оғирлигим тушиб қолади. Йўқ, бунақаси кетмайди. Сиртқига топшириб, бир пайтнинг ўзида ишлаш, пул топиш керак. Шунингдек, ўша пайтда (қанчалик хато ёки тўғрилигини билмайман) назарияга нисбатан амалиёт қадрлироқ кўринди. 

Спортга ихтисослашаман. Ёзган дастлабки мақолаларим "Сhampionat.asia" сайти ва даврий нашрларда чоп этиляпти. Доимий иш топсам, кифоя. Шу кунларнинг бирида "Facebook"даги ҳамфикр таниш (ака)ларимдан бири иш керак бўлса, алоқа чиқишим учун кимнингдир телефон рақамини берди. Боғландим. Спорт журналистикасида ўз ўрнига эга, айни пайтда кичикроқ нашрлардан бирини бошқараётган киши экан. Ёзган мақолаларим билан танишгач, футболга оид билимларимни синаб кўриш учун бир нечта савол беришини, агар яхши жавоб берсам, бирга ишлашимиз мумкинлигини айтди. Суҳбатнинг шу қисмини сиз билан бўлишмоқчиман.

-Тасаввур қилинг, сизнинг шахсий клубингиз бор. Жамоангизга жаҳон футболи юлдузларидан биттасини жалб қила оласиз, фақат биттасини. Кимни танлардингиз?

-Мюллер.

-Герд Мюллерми?

-Йўқ, уни кўрмаганман) Томас Мюллер.

-Нега Неймар, Роналду, Месси ёки Мбаппе эмас?

-Томас улардек гол машинаси бўлмаслиги, 3-4 ҳимоячини алдаб ўтолмаслиги мумкин. Энг муҳими, у футбол ўйнайди.

Суҳбат шу жойида узилиб қолди. "Ўхшамади" деган фикр келди. Ўйлаяпман: бошқа футболчини айтсам бўларкан. Начора, ҳақиқатан шу фикрда эдим. 

Эртаси куни яна хабар келди. Умримда биринчи бор ишга қабул қилиндим. Маош ва иш тартибини келишиб олдик. Орадан кўп ўтмай биринчи маош...

Бошқача туйғу эди. Буям кишининг умри давомида бир марта ҳис қилинадиган туйғулардан бири ҳисобланади. Бунга ўша қисқа жавобим (Мюллер) туфайли эришдим деб ўйлаганман. Мюллерга нисбатан ҳурматим 2 баробар ошган. 

Ҳозир "Championat.asia"даман. Ният қилиб қўйдим, йиллар ўтиб "France football" газетасининг бош муҳаррири бўлганимда "Олтин тўп"ни топшириш маросимига Томасни ҳам чақираман ва миннатдорчилигимни изҳор қиламан) Балки, СА билан ундан нуфузлироқ мукофот таъсис қилармиз. Айтишади-ку, чин дилдан қилинган ниятлар амалга ошади.

Хуллас, ўшанда нега Мюллерни танлаганим, унинг бошқа футболчилардан устун томонлари ҳақида мақола ёзишга киришдим (ҳозир фақат шу қўлимдан келади). Ундан олдин қуйидаги бу саволларни ўртага ташламоқчиман:

Тасаввур қилинг, сизнинг шахсий клубингиз бор. Жамоангизга жаҳон футболи юлдузларидан биттасини жалб қила оласиз, фақат биттасини. Кимни танлардингиз ва нима учун?

Биринчи маошингиз ёдингиздами?

Фахриддин Рўзиев

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика