Тарихда шу кун. Франция - Ўзбекистон - 4:0. Погба, Умтити, Зумага қарши майдонга чиққан Сергеев, Махсталиев, Собирхўжаев

Ўшанда Пол Погба, Самуэл Умтити, Курт Зума каби футболчилардан иборат Франция терма жамоасига қарши ўзимизнинг маҳаллий футболчилар Игорь Сергеев, Аббосбек Махсталиев, Тохиржон Шамсиддиновлар тўп тепган эди. Чорак финалгача Янги Зелландия, Хорватия, Уругвай, Греция каби жамоаларнинг тўсиғидан ўтиб келганди. Ёшларимиз ярим финал остонасида мағлубиятга учраган бўлсада, мазкур ёш тоифасида илк бор жаҳоннинг кучли саккизлигидан жой олишганди. 

U 20 Жаҳон чемпионати. Туркия.

U 20 Франция 4-0 Ўзбекистон

Голлар: Яя Саного, Пол Погба, Флорян Товен, Курт Зума.

U 20 Ўзбекистон: А. Омонов, М. Фомин, Т. Шамсиддинов, А. Абдуллаев, А. Махсталиев, В. Козак, С. Собирхўжаев (К. Кападзе 65ʼ), М. Убайдуллаев, Д. Туропов (Ж. Машарипов 59ʼ), И. Сергеев, А. Юсупов (З. Ўринбоев 59ʼ).

U 20 Франция: А. Ареола, Л.Динь (П. Поломат 78ʼ), С. Умтити, К. Зума, Г. Кондогбиа (А. Нгандо 62ʼ), П. Погба, Ф. Товен, Ж. Верету, Я. Саного, Ж. Баэбек (А. Бозетти 70ʼ).

Ўзбекистон ёшлар терма жамоаси: 11. Абдулазиз Юсупов, 17.Игорь Сергеев, 5. Максимилян Фомин, 16. Азамат Абдуллаев, 1. Асилбек Амонов, 7. Владимир Козак (сардор)

20.Муҳсин Убайдуллаев, 8.Диёр Туропов, 18.Сардор Собирхўжаев, 2.Тоҳиржон Шамсиддинов, 6.Аббосбек Махсталиев.

Франциянинг ушбу ёшдаги жамоасида тўп тепган Пол Погба бир йил ўтиб Бразилиядаги Жаҳон чемпионатида энг яхши ёш футболчи дея эътироф этилган. Люк Динь ва Самуэл Юмтити бир неча йилдан сўнг "Барселона" сафида совринларга эга чиқди. Дарвозабон Ареоля эса бугунги кунда Зидан бошқарувидаги "Реал Мадрид" жамоасининг аъзоси ҳисобланади. 

Ўзбекистон ёшлар терма жамоаси мураббийлар штаби. Мексикадаги Жаҳон чемпионатида ўсмирларимизга устозлик қилган Аҳмаджон Мусаев ва Алексей Евстафеев. Унинг ёнида айни пайт ўсмирлар терма жамоамизни бошқараётган Олим Шокиров. 

Турнир давомида оғир жароҳат олган Жамшид Искандеров ва Бобур Йўлдошев чорак финал учрашувини трибунадан кузатишга мажбур бўлишганди. Мексикадаги Жаҳон чемпионати иштирокчиси Сардор Раҳмоновни танидингизми?

Шу куни Погба етакчилигидаги Франция биринчи бўлимни ўзидаёқ ўйин масаласини ҳал қилганди.