"Шўртан": "Келажак - ёшлар қўлида"

Тизимга асосан, “Шўртан” футбол клуби академиясига ёш тоифаси бўйича иқтидорли футболчиларни ҳамда ёш истеъдодларни қидириб топиш ва уларни академияга жалб қилиш ишлари бошланганини эълон қилганди. 

Шу боис, “Шўртан” раҳбарияти томонидан клуб академияси тарбияланувчилари ва уларнинг ота-оналари ўртасида кенгайтирилган йиғилиш бўлиб ўтди.

Йиғилишда клуб раҳбарлари ҳамда мураббийлар штаби вакиллари иштирок этишди. Мазкур йиғилишдан мақсад, “Шўртан” келажаги ҳисобланадиган ёш футболчилар учун яратилган шарт-шароитларни ота-оналарга намойиш қилиш эди.

“Оқ бўрилар” академияси тарбиланувчилари ЎФА томонидан ташкил этиладиган мусобақаларда иштирок этиши натижасида ўз маҳоратларини ошириб боришлари ва профессионал футболга тайёрлаб боришлари айтиб ўтилди.

Яна бир жиҳати шундаки, "Шўртан" футбол академиясини тамомлаган битирувчиларга гувохнома берилади.

Қолаверса, академия тарбиланувчилари мунтазам равишда ётоқхона, спорт либослари, иссиқ овқат ва футболчи учун керакли бўлган барча эҳтиёжлар билан таъминланади.

Шундан сўнг, йиғилишга ташриф буюрган тарбияланувчиларнинг ота-оналари учун академияда ўзига хос "экскурсия" ташкил этилди ва уларга ётоқхона, ошхона, машғулот майдонлари таништирилди.

“Шўртан” футбол клубининг мақсади нафақат Ўзбекистон футболи учун, балки, келажакда Осиё ва Европа майдонлари учун тажрибали футболчиларни етказиб бериш ва Ўзбекистоннинг турли ёшдаги терма жамоаларини мунтазам равишда футболчилар билан таъминлаб туриш эканлигини билдирилди.