Флик: "Канселу жамоага яхши мослашяпти"
26 янв 21:00
Янгиликлар

Флик: "Канселу жамоага яхши мослашяпти"

"Барселона" бош мураббийи Ханс-Дитер Флик қанот ҳимоячиси Жоау Канселунинг ўйини ҳақида фикр билдирди.

"Кўк-анорранглилар" португалиялик ҳимоячини жорий ойда Саудия Арабистонининг "Ал Ҳилол" клубидан ижарага олганди.

Якшанба куни 31 ёшли футболчи жамоага қайтганидан сўнг илк бор асосий таркибда майдонга тушди ва "Реал Овьедо"га қарши Ла Лига баҳсида 3:0 ҳисобидаги ғалабага ҳисса қўшди.

"Канселу яқиндагина келди, аммо аллақачон ўз маҳоратни намойиш қилди. У жуда фаол прессинг қилади. Жоау жамоага яхши мослашяпти ва ҳар бир машғулотда ўсиб боришга қодир", – деди Флик.