“Шўртан” жамоаси ўз қароргоҳида машғулотларга киришди

Машғулотларни вақтинчалик жамоа техник директори, собиқ мураббий Боҳодир Шоймардонов ҳамда ёрдамчилар ёшлар жамоаси мураббийи Акмал Сайтқулов ва дарвозабонлар мураббийи Эркин Мирзаевлар олиб боришмоқда.

Боҳодир Шоймардонов таъкидлашича, бугун жамоага  асосий таркибининг бир қатор футболчилари машғулотларига келиб қўшилади.

Улар Ҳасанбой Эргашов, Олим Каримов, Ғулом Рахмонов, Алибек Туробов, Отабек Нарзуллаев.

Ўтган мавсум иккинчи даврада ғузорликлар сафига келиб қўшилган Руслан Мельзиддинов ҳам келиш эҳтимоли бор.

Эслатиб ўтамиз, 21 январь санасида “оқ бўрилар” ўз майдонида “Машьал” жамоаси ёшларига қарши дастлабки назорат учрашувини ўтказишади.

Фаҳриддин Чориев.