Саудия Арабистони Европа чемпиони билан биргаликда Жаҳон чемпионатини ўтказиши мумкин

Арабистон ярим оролининг энг йирик давлати бошқа давлат билан қўшма ариза топширишни режалаштирмоқда ва Италия Саудия Арабистонининг шеригига айланиши мумкин.

АҚШда жойлашган Boston Consultancy Group консалтинг компанияси бу борада Саудия Арабистонига ёрдам беради ва ҳамкорликнинг турли хил вариантларини таклиф этади. Шулардан бири Миср ва Марокаш билан биргаликда қўшма ариза тошпириш ҳисобланади.

Бироқ ушбу танлов турнирнинг тижорат муваффақияти, мамлакатлар иқтисодиётига таъсири ва мусобақа хавфсизлиги билан боғлиқ хавотирлар туфайли эҳтимолдан йироқ бўлиши мумкин.

Шу сабабли, Европа чемпионлари Саудия Арабистони учун янада фойдали шерик бўла олади ҳамда Италия араб мамлакати учун энг муносиб номзод ҳисобланади. 

Икки мамлакат ўртасида бизнес, дипломатик ва спортга оид алоқалар ўрнатилган. Шунингдек, 2022 йилнинг январь ойида Саудия Арабистони Италия Суперкубогига мезбонлик қилади.

Аввалроқ 2030 йилги мундиалга Буюк Британия ва Ирландия, шунингдек, Испания ва Португалия қўшма аризалар топширишни режалаштираётгани маълум бўлганди.