Самвел Бабаян: "Мураббийлар штабидагилар менга ёрдам беришади"

Унга кўра, "Пахтакор" президенти Ботир Раҳимов акциядорлар билан келишган ҳолда бош мураббий лавозимидан воз кечиб, жамоа бошқарув тизими, клуб ва академиянинг натижалари учун асосий жавобгар шахс сифатида Самвел Бабаянни тасдиқлади. Демак, бундан буён жамоаларнинг натижаларига Самвел Вячаславлович масъул бўлади. Шу кунгача вице-президент сифатида ишлаб келаётган Бабаян "CA"га қисқача интервью берди.

- Самвел ака, ўзбек футболи учун янгилик бўлган ҳолат ҳақида маълумот берсангиз.
- Бундай тизим Европада оммалашган. Яъни клуб менежери клуб академияси, бошқарув тизими, асосий жамоа натижаларига жавобгар бўлади. Клубимиз акциядорларининг йиғилишида шундай қарорга келинди. Ўзингиз айтганингиздек, футболимиз учун бу янгилик бўлди. Бу ўзгариш ўзини қай даражада оқлашини вақт кўрсатади.

- Машғулотларни ким ўтказади?
- Мураббийлар штабидагилар бу борада менга ёрдам беришади.

- Ўйиндан кейин ўтказиладиган матбуот анжуманларида ким иштирок этади?
- Буни ўйлаб кўрамиз, балки ўзим қатнашарман.

Камолиддин Алимов суҳбатлашди