Манбага кўра, қарзнинг энг катта қисми Рафиньянинг "Лидс Юнайтед"дан ўтиши билан боғлиқ — бразилиялик вингер учун "Барселона" ҳали ҳам 36,5 млн фунт (42 млн евро) қарз. Шунингдек, клуб Жюль Кунде учун "Севилья" олдидаги тўловларни ҳам тўлиқ ёпмаган — қарз миқдори 22 млн фунт (25 млн евро)ни ташкил қилади.
Бундан ташқари, сезиларли мажбуриятлар қаторида Даниэль Ольмо учун "Лейпциг"га тўланиши керак бўлган 15,5 млн фунт (17,8 млн евро) ҳам бор. Яна 12 млн фунт (13,8 млн евро) "Манчестер Сити"га Ферран Торрес трансфери учун тўланиши лозим, "Бавария" эса Роберт Левандовски учун ҳали ҳам 8,5 млн фунт (9,7 млн евро)ни кутиб турибди.
Қайд этилишича, клуб раҳбариятига молиявий барқарорликни сақлаб қолиш учун "Барселона" жорий мавсум охиригача тахминан 121 млн фунт (140 млн евро) қарзни тўлаб бериши кераклиги етказилган.
