UZ

Сўнгги янгиликлар

19:55Про лига. “Арал" меҳмонда "Олимпик"ни таслим қилди  0 19:37Скалони : "Энцо четлатилганидан кейин ҳам Аргентина босимни давом эттирди. Жамоа кучини текшириш учун жуда яхши имтиҳон бўлди"  0 18:45"Реал" ижтимоий тармоқларда энг оммабоп клуб, "Барса" – 2-ўрин, МЮ – 3-ўрин, ПСЖ – 4-ўрин...  1 18:16Фарруҳ Сайфиев: "Мундиалга бориб, шунчаки қатнашиш йўқ"  10 17:49ЖЛА бош котиби футбол клублари раҳбарлари билан учрашади  0 17:30"Милан" Леау учун 90-100 миллион евро талаб қилмоқда  0 16:20"Бавария" Нико Уильямсни сотиб олишни хоҳлайди. "Атлетик" вингери – ҳужумдаги устувор вариант  1 15:56Эшакнинг меҳнати ҳалол, ўзи ҳаромми?  55 14:47Интервью. Миржалол Қосимов: "Жиддий айтганда Жаҳон чемпионатига чиқишга энди тайёр бўлдик, бу натижа ўз-ўзидан келмади"  22 14:16Осиё Кубоги-2027 саралаш. Тожикистонда дуранг, Туркманистонда ғалаба  2 14:15Месси Хамесга Аргентина ва Колумбия ўйини вақтида: "Сен жуда кўп гапиряпсан"  6 14:01Игорь Сергеев: "Йиғлаб юборишимга бир бахя қолди"  23 13:27Сане "Бавария"ни тарк этишга қарор қилди. Вингер "Галатасарой"га ўтишга яқин  0 13:15"Манчестер Сити" 70 млн. еврога ярим ҳимоячи сотиб олди  2 12:56"Пахтакор" ва ўзбек футболи афсоналаридан бири Аҳрол Иноятов 80 ёшда  1

Руслан Аҳмедов: " Суперлигага чиқиш учун “Турон” билан “Андижон” асосий номзодлар деб ўйлаяпман" Янгиликлар

Руслан Аҳмедов: " Суперлигага чиқиш учун “Турон” билан “Андижон” асосий номзодлар деб ўйлаяпман"

“Андижон” – “Хоразм” (2:1) учрашувидан кейин ўтказилган матбуот анжуманида дастлаб меҳмонлар бош мураббийи Руслан Аҳмедов саволларга жавоб қайтарди.

-  Биринчи навбатда “Андижон” мухлисларини ғалаба билан табриклайман. Улар ғалабага ҳақли эди. Шунга яраша кўпроқ имкониятларни яратишди. Тўғри, иккинчи бўлимда қарши ҳужумларда вазиятлар яратишга ҳаракат қилдик. Аммо “Андижон”да тажрибали ўйинчилар бор, яхши шаклланган жамоа. Ўз майдонимизда бу клубни мағлубиятга учратганимиздан кейин ҳам “Андижон” ҳали ўз сўзини айтади, деб таъкидлагандим. Суперлигага чиқиш учун “Турон” билан “Андижон” асосий номзодлар деб ўйлаяпман. Тажрибали мураббий ишлаяпти, шаклланган жамоа. Таркибимизда про лигада умуман ўйнамаган 5-6 та футболчилар бор. Тажрибалари етарли бўлмагани эвазига хатога йўл қўйишиб, гол ўтказдик. Бу – футбол. 


-  “Андижон” сиз кутган ўйинни кўрсатдими ёки...

-  Шундай ўйин кутгандик ва шунга яраша тайёрлангандик. Таркибимиз ёшроқ бўлгани боис сафарлардаги учрашувларда тажриба етишмаяпти. Ўз уйимизда эса яхши ўйнаяпмиз. Стратегиямиз бўйича ёшларни аста-секин етиштириб, таркибимизни ёшартирмоқчимиз. Балки кейинчалик жиддий мақсад қўйилиши ҳам мумкин. 

-  Ўйин бошида жамоангизда ҳимоявий ўйин кўрдик. Ҳисоб қисқарганидан кейин ҳужумга кўпроқ ўтилди...

-  Футбол шунақа. Футбол темпи бўйича бошида 15-20 дақиқа давомида мезбонлар босим қилади. Кейин темп тикланади. Бутун дунёда шунақа. Тактикамиз ҳам шундай эди. Кўп ҳужум қиламиз, деган умидимиз ҳам йўқ эди. Саноқли қарши ҳужумларга тайёрланиб тургандик. Улардан биттаси амалга ошди, қолганини ўзинглар ҳам кўрдинглар, амалга ошмади. Кучимиз ҳам етмади. “Андижон” жамоаси таркиб ва жисмоний ҳолат бўйича ҳам бизга нисбатан яхшироқ. 

-  Сафарда жамоангиз яхши ўйнай олмаётганини айтдингиз. Бу майдон билан боғлиқ эмасми? Чунки ўз уйингларда сунъий майдонда ўйнайсизлар. Яқинда эса табиий майдонга ўтасизлар.

-  Тўғри, марказий стадионимиз тайёрланяпти. Балки иккинчи давра арафасида фойдаланишга топширишар. Саволингиз тўғри. Имкон қадар бу ерга келишимиздан олдин 2-3 кун табиий майдонда шуғулландик. Аммо барибир бу етарли эмасди. 

Рейтинг: -1   

Фикрлар

championat.asia
< сўнгги янгиликларни кўриш
Яндекс.Метрика