Роналду "Реал"га қайтиши мумкин

Бу "қироллик клуби" мавсумнинг қолган қисми учун ҳужум чизиғини кучайтириш эҳтиёжини туғдирди. Франциялик футболчининг узоқ муддатга сафдан чиқиши кутилмаяпти. Аммо Бензема октябрь ойи бошидан буён давомли жароҳати билан курашиб келган ва унинг тикланишига кафолат йўқ. 

"Sport" нашрига кўра, Криштиану Роналдунинг шов-шувли интервьюсидан сўнг "Реал" португалиялик юлдузга "Олд Траффорд"дан кетишига ёрдам берадиган клуб сифатида қаралмоқда. Роналдунинг муаммоси шундаки, унинг маошини камдан кам клублар қоплай олади. МЮ Роналду билан алоқаларни узиш учун унинг агенти Жорже Мендеш билан музокаралар олиб бормоқда. Англия клуби футболчининг қолган маоши катта қисмини тўламасликни таъминловчи келишувга эришишга интилмоқда. Нашрга кўра, айнан шу вазиятда "Реал" иккала томонга ҳам енгиллик келтириши мумкин. 

Португалиялик юлдузни Мадридда севадиганлар етарлича эканини ҳисобга олиб, 37 ёшли футболчининг қисқа муддат жамоада бўлиши ҳар иккала томон учун мос кўринади.

Бироқ "Marca" инсайдерлари "Реал"нинг бундай таклиф билан чиқишига шубҳа билан қарамоқда. Бунинг ўрнига "Челси", "Атлетико" ва "Наполи" йўналишлари тўғри бўлиши мумкин, дейилмоқда.