Роналду Португалия термасининг навбатдаги ўйинларини ўтказиб юборади
05 мар 16:59
Янгиликлар

Роналду Португалия термасининг навбатдаги ўйинларини ўтказиб юборади

Саудия Арабистонининг "Ал Насср" клуби ва ва Португалия терма жамоаси ҳужумчиси Криштиану Роналду мушак жароҳатини олди ва 2 ҳафтадан 4 ҳафтагача майдондан четда қолиши мумкин.

Бу ҳақда таниқли инсайдер Фабрицио Романо хабар берди.

Манбага кўра, ушбу жароҳат туфайли 41 ёшли форварднинг Португалия термасининг навбатдаги йиғинида иштирок этиши сўроқ остида. Португалия терма жамоаси йиғин доирасида Мексика ва АҚШга қарши ўртоқлик учрашувлари ўтказишни режалаштирган.

Яқин вақт ичида Роналду қўшимча тиббий текширувлардан ўтади — жараён тикланиш муддатини аниқ белгилаб беради.

Аввалроқ унинг жароҳати ҳақида маълумот берилган эди.

Ҳавола :

Манба : x.com/FabrizioRomano

Янгиликларни Телеграмда ўқинг!

Рейтинг: +4