"Реал" Ла Лигада чемпионликни қачон расмийлаштириши мумкин?
07 апр 2022 16:50
Янгиликлар

"Реал" Ла Лигада чемпионликни қачон расмийлаштириши мумкин?

"Қироллик клуби" чемпионатда етакчиликни сақлаб турибди ва титулни қўлга киритишни мақсад қилган.

"Реал" Ла Лигада ғолиб чиқиши учун қолган 8 турда 16 очко жамғариши зарур. Шундай бўлган тақдирда, мадридликлар рақибларининг натижаларини кутишларига зарурат қолмайди.

Бунинг учун Карло Анчелотти жамоаси камида:

— 5 ғалаба, 1 дуранг ва 2 мағлубият;

— 4 ғалаба ва 4 дуранг қайд этиши зарур.

Тақвимга қарайдиган бўлсак, "Реал"ни уйда "Хетафе", "Эспаньол", "Леванте" ва "Бетис" билан бўладиган ўйинлар кутиб турибди. Шунингдек, "Севилья", "Осасуна", "Атлетико" ва "Кадис"га қарши сафардаги беллашувлар бор.