"Реал" йирик ғалабани тантана қилди

Испания чемпионати, 7-тур.

"Реал" - "Атлетик" 5:0

"Сантьяго Бернабеу" стадиони.

Бош ҳакам: Алехандро Эрнандез.

Голлар: Роналдо (3, 55, 89), Бензема (41, 69).

"Реал": Касильяс, Пепе, Рамос (Варан, 46), Марсело, Карвахаль, Кроос (Ильярраменди, 74), Родригез, Бэйл, Модрич, Роналдо, Бензема (Иско, 79).

"Атлетик": Ирайзоз, Лапорт, Гурпеги, Балензиага, Эйчберриа (Гомес, 46), Иттураспе, де Маркос, Сусаета (Лопез, 72), Рико, Муниаин (Хабиер, 75), Гиллермо.

                                   МАТНЛИ ТРАНСЛЯЦИЯ

                                               ЯНГИЛАШ

- "Реал" навбатдаги ғалабасини нишонламоқда. Барча "Реал" мухлислари ушбу йирик ғалаба билан табриклаймиз!

90` УЧРАШУВ ЯКУНЛАНДИ!

88` ГОООООООООООООООООООООООООООЛ! РОНАЛДО! ХЕТ-ТРИК!

81` Икер Касильяс жамоасини муқаррар голдан сақлаб қолмоқда. Фернандеснинг зарбасини Икер бартараф этишга эришди.

79` "Реал"да сўнгги ўзгариш. Бензама майдонни тарк этди. Иско қолган дақиқаларда учрашувни давом эттиради.

76` Меҳмонлар сафида ҳам ўзгариш. Муниаин ўз ўрнини Хабиерга бўшатиб берди.

75` "Реал" таркибида ўзгариш. Тони Кроос ўрнига Илярраменди туширилди.

74` "Реал" олдинга боришга "эринчоқлик" қилмоқда. Карло Анчелотти шогирдлари яна бир неча маротаба гол уришлари мумкин эди. Лекин жамоа ўз кучини тежаб ўйнамоқда. Асосий масала ҳал этилган.

70` Роналдо Карим Бенземани тўп билан таъминлади ва франциялик ҳужумчи ҳам учрашувдаги ўзининг иккинчи голини уришга муваффақ бўлди.

69` ГОООООООООООООООООООООООООООООЛ! Карим Бензема!

64` Роналдо жарима майдончаси маркази томон турган Бэйлни қидириб топди. Гарет Бэйл томонидан йўналтирилган зарбани рақиб посбони ушалб олишга эришди.

60` Гомеснинг кучли зарбасини Касильяс қайтариб қолмоқда! Хавфли зарба бўлганди, лекин мадридликлар посбони ўз ўрнида.

58` Хамеснинг пасидан сўнг Бэйл ҳам гол уриш имконига эга бўлганди. Лекин унинг зарбасига бирозгина аниқлик етишмади.

55` ГООООООООООООООООООООООООООЛ! РОНАЛДО! Гарет Бэйлнинг тўп оширишидан сўнг Роналдо учрашувдаги дублини расмийлаштирмоқда.

50` "Атлетик" иккинчи бўлимни биринчисидан кўра яхшироқ бошламоқда. Ниҳоят "Реал" ҳимоячиларига ҳам иш топилиб қолди.

47` "Атлетик" сафида ҳам ўзгариш. Беньят ўрнига Гомес туширилди.

47` "Реал"да ўзгариш. Варан Рамоснинг ўрнида иккинчи бўлимда ҳаракат қилади.

46` Иккинчи бўлим бошланди!

45` Биринчи бўлим тугади! ТАНАФФУС!

43` "Реал" бугун ўз ҳужумлари орқали "Атлетик" ҳимоячиларига енгил нафас олишга имкон беришмаяпти.

41` ГООООООООООООООООООООООООООЛ! КАРИМ БЕНЗЕМА! Лука Модричнинг тўп оширишидан сўнг ҳаммадан баланд сакраган Бензема таблодаги ҳисобни 2:0га етказди.

38` Бэйл бугун жуда фаол.

35` Бэйл ўзининг қанотидан "рейд" уюштираётган бир пайтда Баленсиага тўпга қўли билан тегди. Ҳакам эса чўнтагидан сариқ карточкани олди.

33` Роналдо бу сафар лайнсменнинг байроқчаси кўтарилишига сабаб бўлди.

29` Рамос ҳам ўзининг сариқ карточкасини ишлаб олди.

27` де Маркос Марселога нисбатан қоидани бузди ва ҳакам томонидан огоҳлантириш олди. Белгиланган жарима тўпи хавфли бўлиши мумкин эди. Аммо Хамеснинг етказиб берган тўпини рақиб футболчилари бартараф этишга эришишди.

26` Роналдо Хамесни қанотдан "қочириб" юборди. Лекин Родригезнинг жарима майдончаси томон ошириб берган тўпини "Атлетик" ҳимоячиси қайтариб юборди.

22` Бензема яна оффсайдда қолиб кетмоқда.

20` Футболчилар тўқнашуви кўп кузатилмоқда. Бу сафар Рамос ноқулай йиқилди.

17` Роналдо ва Бэйлдан ажабтовур ҳаракатлар...

15` Беньят ва Карвахаль тўп учун курашда тўқнашиб кетишди. Ҳар иккала футболчига тиббий ёрдам кўрсатилмоқда.

12` Бэйл ўз қанотидан ҳужум бошлади. Лекин унинг узатиб берган тўпига эгалик қилмоқчи бўлган Бензема ўйиндан ташқари ҳолатда қолиб кетди.

10` Криштиано Роналдо! Ирайзоз! Роналдо икки ҳимоячи ўртасидан дарвоза томон зарба берди. Лекин меҳмонлар посбони бу вазиятда Роналдонинг режаларини бирбод қилмоқда.

8` "Атлетик" ҳозирча ўйин даражасига тушиб олганича йўқ. Улар ҳам бугун шунчаки тўп тепиш учун келишмаганликларини исботлашга уриниб кўришлари аниқ.

7` "Реал" учрашув дебютини ажойиб тарзда бошлади. Тезкор киритилган голдан сўнг майдон эгалари ўзлари истагандек ҳаракат қилишлари мумкин.

5` Учрашувда тезкор гол киритилди. Бу воқеалар ривожига қандай ўзгартириш кирита олар экан? Буни кўрамиз.

3` ГОООООООООООООООООООООООООООООЛ! РОНАЛДО!!!! Бэйлнинг тўп узатишидан сўнг Роналдо Ирайзоз қўриқлаётган дарвозани аниқ нишонга олди, 1:0!

1` Учрашув бошланди!

- Ассалому алайкум қадрли футбол ишқибозлари! Испания чемпионатининг 7-тур учрашуви "Реал" - "Атлетик" жамоалари ўртасида беллашувдан репортажимизни бошлаймиз.

- Учрашув соат 00:00да бошланади.