Равшан Ҳайдаров: "Мендан олдинги мураббийлар энг яхшиларини танлаб бўлишган"

Кетиш олдидан терма жамоамиз Тошкентда йиғин ўтказди.

Кеча "Жар" стадионининг захира майдонида бўлиб ўтган учрашувдан сўнг Равшан Ҳайдаровнинг фикрлари билан қизиқдик.

"Эртага Венгрияга учиб кетамиз. Бу йиғин жуда муҳимлигини айтмасам ҳам бўлади. Мусобақа олдидан Европа терма жамоасига қарши ўйнаш орқали асосий таркиб ўйинчиларини керакли ўйинга тайёрлаймиз. Мусобақага оз қолди. Менга қадар ишлаган мураббийлар йиллар давомида шу ёшдаги энг яхши футболчиларни терма жамоага жалб қилганлар. Бу терма жамоа футболчиларини яқиндан билишим менга қўл келиши аниқ. Ундан ташқари, таркибда Осиё чемпионатида зафар қучган ва ЖЧда ўз ўйинлари билан мухлисларни қувонтирган футболчилар кўп. Уларнинг тажрибаси бизга қўл келиши аниқ", - дейди Равшан Акмалович.