Прокуратура органлари ходимлари ўртасида Республика футбол мусобақаси финали бўлиб ўтди ФОТО+Видео

Жумладан, Прокуратура органлари ходимлари ўртасида ҳам Ўзбекистон футбол Ассоциацияси билан ҳамкорликда футбол мусобақаси ташкил этилган бўлиб, бугун мазкур мусобақанинг Республика босқичи финал учрашуви бўлиб ўтди. Тошкент темирйўл муҳандислари институтида ўтказилган финал ўйинида Ўзбекистон Республикаси Бош прокурори Отабек Муродов, Ўзбекистон Миллий Олимпия Қўмитаси президенти ва Ўзбекистон футбол Ассоциацияси 1-вице-президенти Умид Аҳмаджонов ҳамда Ўзбекистон Жисмоний тарбия ва спорт вазири Шоакром Исроиловлар иштирок этишди.

Жами 19 жамоа иштирок этган мусобақанинг финал ўйинида Қашқадарё ва Тошкент вилояти прокуратураси жамоалари ўзаро тўқнаш келишди. Муросасиз курашларга бой ўтган учрашувнинг асосий вақтида 2:2 ҳисобидаги дуранг қайд этилди. Пенальтилар сериясида эса омад Тошкент вилояти прокуратураси жамоасига кулиб боқди.

Финал учрашувидан сўнг ғолиб ва совриндорларни тақдирлаш маросими бўлиб ўтди. Финалда муваффақиятга эришган жамоа аъзолари ҳамда мусобақанинг энг яхши ўйинчиси, энг яхши ҳимоячиси, энг яхши ҳужумчиси ва энг яхши дарвозабонига Ўзбекистон Республикаси Бош прокуратураси ва Ўзбекистон футбол Ассоциацияси томонидан эсдалик совғалари топширилди.

Ўзбекистон Республикаси Бош прокурори Отабек Муродов ҳамда Ўзбекистон Миллий Олимпия Қўмитаси президенти ва Ўзбекистон футбол Ассоциацияси 1-вице-президенти Умид Аҳмаджонов.

Демак, мусобақанинг энг яхши дарвозабони деб Қашқадарё вилояти прокуратураси кипери Норқобилов Мирзоҳид тан олинди.

Энг яхши ҳимоячи Сирдарё вилояти прокуратураси вакили Дилшод Юнусов бўлди.

Энг яхши ярим ҳимоячи номинациясида эса Тошкент вилояти прокуратураси жамоаси аъзоси Ҳасан Усмонов ғолиб бўлди.

Энг яхши ўйинчи деб Қорақалпоғистон Республикаси прокуратураси жамоаси сардори Акилбек Ҳакимов топилди.

Ва ниҳоят, энг намунали ўйинчи номинацияси Тошкент шаҳар прокуратураси жамоаси аъзоси Умиджон Олимжоновга топширилди.

Прокуратура органлари ходимлари ўртасида Республика футбол мусобақаси финали ва тақдирлаш маросимидан фотогалереяни сайтимизнинг махсус бўлими орқали томоша қилишингиз мумкин. >>>>> ФОТОГАЛЕРЕЯ

ВИДЕО

TAS-IXэмас

Прокуратура органлари ходимлари ўртасида Республика футбол мусобақаси финали ва тақдирлаш маросимидан фотогалереяни сайтимизнинг махсус бўлими орқали томоша қилишингиз мумкин. >>>>> ФОТОГАЛЕРЕЯ