Про лига-2021. Энг қиммат футболчилар ТОП-10
10 дек 2021 15:44
Янгиликлар

Про лига-2021. Энг қиммат футболчилар ТОП-10

Бугун дунёга машҳур transfermarkt портали Ўзбекистон Про лигаси футболчиларининг трансфер нархларини янгилади.

Янгиланишдан кейин ҳам "Нефтчи" легионери Александр Йешич про лиганинг энг қиммат футболчиси бўлиб қолди. Унинг трансфер нархи 400 000 евролигича қолди.

Иккинчи ўринни эса про лига тўпурарларидан бири, аллақачон "Нефтчи"дан кетиб бўлган Марко Обрадович эгаллади - 325 000 евро.

"Динамо" етакчиси Шоҳруҳ Абдураҳмоновнинг нархи 50 фоизга ошди ва энди портал унинг трансфер нархини 300 000 еврога баҳоламоқда.

"Олимпик" тўпурари Алишер Одилов, "Нефтчи" ярим ҳимоячиси Аъзам Алиев ва ҳимоячиси Сайдулло Раҳматовнинг трансфер нархи энди 250 000 еврога тенг.

"Бухоро" вакили Миржалол Жумаевнинг нархи камайди лекин 225 000 евро билан кучли ўнликда қолди.

"Олимпик" етакчилари Отабек Жўрақўзиев ва Беҳзод Шамсиев бир мавсумдаёқ ТОП-10га кириб олишди. "Нефтчи" футболчилари Иззатилла Абдуллаев ва Акбар Тўраев ҳам 200 000 еврога баҳоланмоқда.