Превью. "Машъал" – "Шўртан"

Натижалар “Машъал”нинг катта устунлигини кўрсатмоқда. Муборакликлар 10  та ўйинда ғолиб бўлишган. 1 та  ўйинда дуранг қайд этилган. 5 учрашувда эса “Шўртан” зафар қучган. Тўплар нисбатида ҳам “Машъал” олдинда - 30:14. Ўзаро ўйинларда “Машъал” 31 очкони, “Шўртан” эса 16 очкони  қўлга киритган.

“Шўртан”нинг ўзаро ўйинларда қозонган энг йирик ғалабаси – 3:1 га тенг. “Машъал”да бу кўрсаткич 5:0 бўлиб турибди.

2012 йил биринчи даврада Ғузорда бўлиб ўтган ўйинда майдон эгалари ғалаба қозонишган. Ягона голни Игорь Таран пенальтидан киритганди – 1:0. Муборакда ҳам “Шўртан” зафар қучганди – 1:3. Абдували Мўминов ўз дарвозасига гол урган, Фарҳод Тожиев ва Игорь Таран мезбонларни ранжитишган. “Машъал” сафида ягона тўпни Самандар Шодмонов киритганди.


Муборакда ўтган сўнгги беш учрашув:
09.08.2012  «Машъал» – «Шўртан»  1:3
01.11.2011  «Машъал» – «Шўртан»  2:1
11.09.2010  «Машъал» – «Шўртан»  1:0
08.05.2009  «Машъал» – «Шўртан»  1:2
16.09.2008  «Машъал» – «Шўртан»  2:0

Ўзаро ўйинлар ҳақида факт : Бу жамоалар ўртасидаги Муборакда бўлиб ўтган 8та ўйиндан 6тасида «Машъал» ғалаба қозонган. «Шўртан» икки марта ғалаба қозонган (2009 ва 2012 йил).

Нарзулла Сайдуллаев тайёрлади