Превью. "Бухоро" - "Қизилқум"

«Бухоро» (Бухоро) - «Қизилқум» (Навоий)

16 май, 2015 йил. Бухоро. 18:30.

Ҳакамлар: Т. Тўхтасинов (Андижон), А. Усмонов (Тошкент), Д. Сайлалов (Тошкент), Р. Лутфулин (Тошкент)
Назоратчи: Б. Галеев (Урганч).

“Бухоро” ва “Қизилқум” олий лигада 28 марта тўқнаш келишган. Ушбу ўйинлардан 14тасида навоийликлар ғолиб бўлишган. 4та ўйин дуранг ҳисобида якунланган, “Бухоро” ҳисобида 10та ғалаба мавжуд.

“Бухоро” шу кунгача ўзаро ўйинларда “Қизилқум” дарвозасига 34та тўп киритган, навоийликлар эса “Бухоро” дарвозасига 46та гол уришган. “Бухоро”  ўзаро ўйинларда 34 очко ишлаб олган бўлса, “Қизилқум” 46 очкони қўлга киритган. “Бухоро”нинг олий лигада “Қизилқум” устидан эришган энг йирик ғалабаси 4:1 ни ташкил қилади. “Қизилқум”нинг йирик ғалабаси эса - 5:0.
 
2014 йил биринчи даврада Навоийда бўлиб ўтган учрашувда дуранг қайд этилганди. Ўша ўйиннинг иккинчи бўлими бошида Владимир Шишелов пенальтидан гол уриб ҳисобни очганди. Бахриддин Ваҳобовнинг урган голи ҳисобни тенглаштирганди - 1:1. Иккинчи даврда “Қизилқум” сафардан ғалаба билан қайтган. Шерали Жўраевнинг голи жамоага ғалаба келтирган - 0:1.

Бухорода бўлиб ўтган сўнгги беш учрашув:
02.10.2014 «Бухоро» - «Қизилқум» 0:1
30.03.2013 «Бухоро» - «Қизилқум» 4:3
19.10.2012 «Бухоро» - «Қизилқум» 1:0
15.10.2011 «Бухоро» - «Қизилқум» 2:1
03.10.2009 «Бухоро» - «Қизилқум» 3:5

Ўзаро ўйинлар ҳақида факт: “Бухоро” мезбонлик қилган ўйинларда бир марта дуранг қайд этилган. 7 марта “Бухоро” зафар қучган бўлса, 6та ўйинда “Қизилқум” сафарда бўлишига қарамай рақибдан устун келган.


Нарзулла Сайдуллаев тайёрлади