Превью. «Бухоро» – «Олмалиқ»
05 мар 2016 09:30
Янгиликлар
![](https://championat.asia/upload/storage/200567_original.jpg)
![](/upload/storage/200567_220.jpg)
Превью. «Бухоро» – «Олмалиқ»
«Бухоро» (Бухоро) – «Олмалиқ» (Олмалиқ)
5 март 2016. Бухоро. "Бухоро" стадиони. 16:45
Ҳакамлар: А. Асимов (Тошкент), Т. Галеев (Тошкент), А. Пўлатов (Тошкент), Н. Қосимов (Қарши)
Назоратчи: С. Эрматов (Тошкент).
“Бухоро” ва “Олмалиқ” олий лигада 14 марта ўзаро ўйнашган. Натижалар “Олмалиқ”нинг устунлигини кўрсатмоқда. “Олмалиқ” 8та ўйинда ғолиб бўлган, “Бухоро” 4 марта бу рақибни мағлуб этган. 2та ўйинда дуранг қайд этилган. Тўплар нисбатида устунлик “Олмалиқ” томонида - 29:14. Ўзаро ўйинларда “Бухоро” 14 очкога эга бўлган бўлса, “Олмалиқ” 26 очкони қўлга киритган.
“Бухоро”нинг ўзаро ўйинларда қозонган энг йирик ғалабаси – 3:1га тенг. “Олмалиқ”нинг энг йирик ғалабаси эса 6:1.
2015 йил Бухорода кечган ўйинда меҳмонлар зафар қучишган. “Олмалиқ” сафида Шавкат Саломов (2та), Арслонмурод Омонов ва Саламат Қутибоев “Бухоро” дарвозасини ишғол қилишган – 0:4. Қизиғи Саломов ва Қутибоев бу йил айнан “Бухоро”га кўчиб ўтишди. Олмалиқда кечган баҳсда меҳмонлардан Азиз Ибрагимов ҳисобни очганди, бунга “Олмалиқ” сафида Никита Павленко жавоб берганди – 1:1.
Бухорода бўлиб ўтган охирги 5 учрашув:
25.04.2015 «Бухоро» - «Олмалиқ» 0:4
25.10.2014 «Бухоро» - «Олмалиқ» 2:1
20.04.2013 «Бухоро» - «Олмалиқ» 1:0
15.06.2012 «Бухоро» - «Олмалиқ» 0:1
09.04.2011 «Бухоро» - «Олмалиқ» 1:0
Ўзаро ўйинлар ҳақида факт: “Бухоро” ўз майдонида бўлиб ўтган 7та ўйиннинг 3тасида ғалаба қозонган. Қолган тўрт баҳсда “Олмалиқ” сафарда бўлишига қарамай рақибни таслим қилишга муваффақ бўлган.
Ўхшаш янгиликлар
![AMP Logo](https://championat.asia/image/logo-amp.png)
Фикрлар