Превью. "Бухоро" – "Локомотив"

Натижалар Тошкент клубининг устунлигини кўрастмоқда. 8та ўйинда “Локомотив”, 5та ўйинда “Бухоро” ғалаба қозонган. 5та ўйинда дуранг натижа қайд этилган. “Темирйўлчилар” ўзаро ўйинларда 31 бор рақиб дарвозасига йўл топа олишган. “Бухоро” эса 23  бор гол кирита олган. “Локо” ўзаро ўйинларда 29 очкони қўлга киритган, “Бухоро” ҳисобида 20 очко бор. “Локо”нинг “Бухоро” устидан қозонган энг йирик ғалабаси – 5:1. Бухороликларнинг энг йирик ғалабаси эса 3:1.

Ўтган мавсумнинг биринчи давраси сўнгги турида “темирйўлчилар” рақиб дарвозасига жавобсиз иккита тўп киритишганди. Биринчи бўлимда Фозил Мусаев ҳисобни очганди. Баҳс тугашига 15 дақиқа қолганида эса Иван Нагаев иккинчи бор “Бухоро” дарвозасини ишғол қилганди – 2:0. Ўша ўйинда Фарҳод Тожиев икки марта пенальтидан гол ура олмаганди. Бухорода ҳисобни Ойбек Нурбоев очганди, бунга учрашув охирида Александр Гейнрих жавоб берганди – 1:1.

Бухорода ўтган сўнгги беш учрашув:
07.11.2014 «Бухоро» - «Локомотив» 1:1
08.11.2013 «Бухоро» - «Локомотив» 0:1
19.05.2012 «Бухоро» - «Локомотив» 1:1
14.08.2009 «Бухоро» - «Локомотив» 2:3
01.03.2008 «Бухоро» - «Локомотив» 0:0

Ўзаро ўйинлар ҳақида факт: “Локомотив” бу рақибни сафарда 2 марта мағлуб этган. 6та ўйинда дуранг қайд этилган. “Бухоро” ўз майдонида 2 бор ғалаба қозонган. Бухороликлар сўнгги бор ўз уйларида 2007 йил ғалаба қозонишган.

Нарзулла Сайдуллаев тайёрлади