ПРЕВЬЮ. "Бунёдкор" - "Шўртан"

“БУНЁДКОР” – “ШЎРТАН”
6 июль 2015. Тошкент. “Бунёдкор” стадиони. 20:00
Бош ҳакам: Рустам Бобомуродов (Навоий), Ришат Нугмонов (Тошкент), Дониёр Сайлавов (Тошкент), Жасур Муҳторов (Тошкент)
Назоратчи: Игорь Нехочин (Наманган)

“Бунёдкор” ва “Шўртан” олий лигада жами 14 бора тўқнаш келишган. Натижалар “Бунёдкор”нинг устунлигини кўрсатмоқда. Тошкентликлар 10та ўйинда ғолиб бўлишган. 3та ўйинда дуранг қайд этилган. Битта учрашувда эса “Шўртан” зафар қучган. Тўплар нисбатида ҳам “Бунёдкор” олдинда – 29: 2. Ўзаро ўйинларда “Бунёдкор” 33 очкони, “Шўртан” эса 6 очкони  қўлга киритган.

“Бунёдкор”нинг ўзаро ўйинларда қозонган энг йирик ғалабаси – 7:0 га тенг. “Шўртан”да бу кўрсаткич 1:0 бўлиб турибди.

Ўтган йил “Шўртан” олий лигада ўйнамаган. 2013 йилда Тошкентдаги ўйин тақдирини битта гол ҳал қилган. Жавлон Ибрагимов 88-дақиқада меҳмонлар дарвозасини ишғол қилганди – 1:0. Ғузорда эса томонлар гол ура олишмаганди – 0:0. Учрашув давомида Олександр Пишур пенальтидан тўп кирита олмаганди.

Тошкентда ўтган барча учрашувлар:
26.05.2013 «Бунёдкор» - «Шўртан» 1:0
09.04.2012 «Бунёдкор» - «Шўртан» 3:0
09.04.2011 «Бунёдкор» - «Шўртан» 2:0
03.04.2010 «Бунёдкор» - «Шўртан» 1:1
25.07.2009 «Бунёдкор» - «Шўртан» 5:0
16.05.2008 «Бунёдкор» - «Шўртан» 7:0
04.09.2007 «Бунёдкор» - «Шўртан» 3:0

Ўзаро ўйинлар ҳақида факт: Бу жамоалар Тошкентда 7та ўйин ўтказишган. Шу ўйинлардан 6тасида «Бунёдкор» ғолиб чиққан. Битта учрашувда дуранг ҳисоби қайд этилган. Ғузор клуби Тошкентда бу жамоани умуман мағлуб эта олмаган. Тошкентдаги охирги 3та ўйинда “Шўртан” сафарда гол ҳам ура олмаган.