Ўзбекистон олимпия терма жамоаси Навоийда ўйин ўтказади
19 авг 2016 14:57
Янгиликлар

Ўзбекистон олимпия терма жамоаси Навоийда ўйин ўтказади

Равшан Ҳайдаров бошчилигидаги Ўзбекистон олимпия терма жамоаси август ойи сўнггида Навоий шаҳрида ўртоқлик учрашуви ўтказади.

Бу ҳақда "Қизилқум" клуби бош менежери Ҳамиджон Актамов кечаги "Обод"га қарши ўйиндан кейинги матбуот анжуманида айтиб ўтди. Шунингдек Актамов олий лиганинг 20-туридан ўрин олган "Пахтакор" - "Қизилқум" учрашуви ҳам кейинроқ муддатга қолдириши ҳақида маълум қилди.

"Хабарингиз бор, миллий терма жамоа йиғини муносабати билан 26 августда бўладиган “Пахтакор” — “Қизилқум” учрашуви бошқа муддатга кўчирилади. Аммо мухлисларимиз зерикиб қолишмайди. ЎФФ Терма жамоалар маркази билан келишган ҳолда 26 август куни Навоийда Ўзбекистон Олимпия терма жамоаси билан ўртоқлик ўйини уюштирамиз. Буни мухлисларимиз мамлакатимиз мустақиллигининг йигирма беш йиллик тўйига жамоамиздан совға сифатида қабул қилишларини сўрардим", - дейди Актамов.

Ҳавола :

Манба : championat.asia

Янгиликларни Телеграмда ўқинг!

Рейтинг: +1