Ўртоқлик учрашуви. “Металлург” – “Бунёдкор” – 3:1

Ўтган йилги мавсумда тўртинчи ўринни эгаллаган бекободлик ёшларга қарши учрашувда Ҳикмат Эргашев 1999-2000 йилда туғилган ёшларидан иборат таркибини майдонга туширди. Шунга қарамасдан “полапон” қалдирғочлар биринчи таймда тенгма тенг тўп сурди ва дарвозалари даҳлсизлигини сақлаб қолишди. Аммо иккинчи таймда бекободликларнинг икки уч ёш бўлса-да катталиги сезилди ва улар бирин-кетин майдон эгалари дарвозасига 3 та тўп киритишди. Голларнинг иккитасини Муҳаммаджон Султонов, биттасини эса пенальтидан Сирож Тошпўлатов киритди. Учрашув якунланиши арафасида бунёдкорчилар битта гол билан жавоб қайтаришди.
“Металлург” ёшлар таркиби энди “Янгиер” жамоаси билан иккита (уй ва сафарда), шунингдек, “Олмалиқ” жамоаси ёшлари билан Бекободда битта ўртоқлик ўйини ўтказишни режалаштирган. Ҳикмат Эргашев бошчилигида ўтган мавсум ёшлар биринчилигида ғолиб чиққан жамоа эса 3 февраль куни “Металлург”нинг асосий таркибига қарши майдонга чиқади.